Bitim xalqaro avtomobil transporti qatnovi to‘G‘risida

---

O‘ZBEKISTON RESPUBLIKASI HUKUMATI BILAN BELARUS RESPUBLIKASI HUKUMATI O‘RTASIDA
BITIM
XALQARO AVTOMOBIL TRANSPORTI QATNOVI TO‘G‘RISIDA
O‘zbekiston Respublikasi Hukumati va Belarus Respublikasi Hukumati, keyingi o‘rinlarda
“Ahdlashuvchi Tomonlar” deb ataladi,
o‘zaro munosabatlar asosida ikkala davlat o‘rtasida avtomobilda yo‘lovchilar va yuk tashish va
ularning hududlari orqali uchinchi davlatlarga tranzit qatnovini rivojlantirish, shuningdek, ushbu
qatnovlarga ko‘maklashish istagiga amal qilib quyidagilar to‘g‘risida ahdlashdilar:
Ta’riflar 
1-modda
1. “Tashuvchi” iborasi ikkala davlatning milliy qonunchiligiga muvofiq xalqaro tashuvlarni
bajarishga vakolatli har qanday jismoniy yoki yuridik shaxsni anglatadi.
2. “Avtotransport vositasi” iborasi quyidagilarni anglatadi:
yo‘lovchilar tashishda — avtobusni, ya’ni haydovchi o‘rnini hisobga olmagan holda
yo‘lovchilarni tashish uchun mo‘ljallangan va kamida 8 o‘ringa ega bo‘lgan mexanik transport
vositasini anglatadi;
yuklarni tashishda — yuk avtomobilini, pritsepli yuk avtomobilini, shatakka oluvchi
avtomobilni yoki yarimpritsepli shatakka oluvchi avtomobillarni anglatadi.
Oldingi
 tahrirga qarang.
3. “Ruxsatnoma” tushunchasi Axdlashuvchi tomonlar davlatlarining hududlari o‘rtasida,
ularning hududlaridan tranzit tarzda, shuningdek, boshqa Ahdlashuvchi tomon davlati hududidan
uchinchi davlat hududiga va/yoki uchinchi davlat hududidan boshqa Axdlashuvchi tomon davlati
hududiga (yo‘l yig‘imlari to‘lovi bilan yoki yo‘l yig‘imlari to‘lovisiz) amalga oshiriladigan tashishlar
huquqini beruvchi hujjatni anglatadi.
(1-moddaning 3-bandi O‘zbekiston Respublikasi Hukumati bilan Belarus Respublikasi Hukumati
o‘rtasida 2018-yil 13-sentabrdagi 
Bayonnoma 
tahririda)
Oldingi
 tahrirga qarang.
4. “Yo‘lovchilarni muntazam tashish” iborasi qatnovning boshlang‘ich va so‘nggi punktlari va
to‘xtash punktlari ko‘rsatilgan, oldindan kelishilgan qatnash jadvali va marshruti bo‘yicha
Axdlashuvchi tomonlar davlatlarining avtotransport vositalari tomonidan amalga oshiriladigan
tashuvlarni anglatadi.
(1-moddaning 4-bandi O‘zbekiston Respublikasi Hukumati bilan Belarus Respublikasi Hukumati
o‘rtasida 2018-yil 13-sentabrdagi 
Bayonnoma 
tahririda)
5. “Yo‘lovchilarni nomuntazam tashish” iborasi qolgan barcha turdagi tashuvlarni anglatadi.
6. “Tranzit tashuvlar” iborasi kelish va ketish punktlari ahdlashuvchi Tomonning hududidan
tashqarida bo‘lgan holda davlatlardan birining hududi orqali yo‘lovchilar va yuklar tashuvini
anglatadi.
Oldingi
 tahrirga qarang.
7. “Vakolatli organlar” tushunchasi quyidagilarni anglatadi:
O‘zbekiston Respublikasi uchun — O‘zbekiston avtomobil transporti agentligi;
Belarus Respublikasi uchun — Transport va kommunikatsiyalar vazirligi.
(1-moddaning 7-bandi O‘zbekiston Respublikasi Hukumati bilan Belarus Respublikasi Hukumati
o‘rtasida 2018-yil 13-sentabrdagi 
Bayonnoma 
tahririda)