Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

III-бўлим. Сотувчи томонидан шартнома бузилган тадирда ҳуқуқий ҳимоя воситалари


45-модда

1) Агар сотувчи шартнома бўйича ёки мазкур Конвенция бўйича ўзининг бирор-бир мажбуриятини бажармаса, сотиб олувчи:

а) 46-52-моддаларда кўзда тутилган ҳуқуқларни амалга ошириши;

b) 74-77-моддаларда кўзда тутилган зарарларни қоплашни талаб қилиши мумкин.

2) Сотиб олувчи томонидан ҳимоя ҳуқуқининг бошқа воситаларига ўзининг ҳуқуқининг амалга оширилиши уни зарарларни қоплашни талаб қилиш ҳуқуқидан маҳрум қилмайди.

3) Агар сотиб олувчи шартномани бузишдан ҳуқуқий ҳимоянинг бирор-бир воситасига таянса, ҳеч қандай кечиктириш суд ёки арбитраж томонидан сотувчига тақдим қилина олмайди.

46-модда

1) Сотиб олувчи сотувчи томонидан ўзининг мажбуриятлари бажарилишини талаб қилиши мумкин, фақат агар сотиб олувчи бундай талабга мувофиқ бўлмаган ҳуқуқий ҳимоя воситасига таянмаса.

2) Агар товар шартномага мос келмаса, сотиб олувчи товарнинг алмаштирилишини фақат ушбу номувофиқлик шартноманинг жиддий бузилишини ташкил қилса ва товарни алмаштириш ҳақидаги талаб 39-моддага мувофиқ берилган хабарнома билан биргаликда ёки ундан сўнг оқилона муддатда берилган бўлсагина талаб қилиши мумкин.

3) Агар товар шартномага мос келмаса, сотиб олувчи сотувчидан тузатиш йўли билан ушбу номувофиқликни бартараф қилишни талаб қилиши мумкин, бу барча ҳолатларни ҳисобга олган ҳолда номаъқул бўлган ҳолатлар бундан мустасно. Товарни алмаштириш ҳақидаги талаб 39-моддага мувофиқ берилган хабарнома билан биргаликда ёки ундан сўнг оқилона муддатда берилган бўлсагина талаб қилиши мумкин.

47 - модда

1) Сотувчи томонидан ўзининг мажбуриятларини бажариш учун сотиб олувчи оқилона давомийликнинг қўшимча муддатини ўрнатиши мумкин.

2) Сотиб олувчи сотувчидан шундай тарзда ўрнатилган муддат мобайнида ижрони амалга оширмаслиги тўғрисидаги хабарномани олганда, сотиб олувчи ушбу муддат мобайнида шартнома бузилишидан бирор-бир ҳууқий ҳимоя воситаларига таяна олмаслиги ҳоллари бундан мустасно. Бироқ, бу билан сотиб олувчи бажарилишдаги кечиктириш учун зарарлар тўланиши ҳуқуқидан маҳрум бўлмайди.