"Bir zumda yechish": 5 ball

Mazkur matematikadan rivojlantiruvchi she’riy masalalar to’plamidan o’quvchilarning bilimini modernizatsiya qilingan o’quv dasturi talablariga javob beradigan darajaga yetkazish, sinflararo iqtidorli o’quvchilar o’rtasida musobaqalar o’tkazish, interfaol darslarda foydalanish mumkin. Masalalarni yechishda “bir zumda yeching” shartidan foydalaniladi. Bunda o’qituvchi masalani tushunarli, dona – dona qilib aniq o’qiydi. O’quvchilar esa savol o’qilgan zahoti javob berishi kerak.
Masalalarni uch urinishda yechish imkoniyati beriladi. Baholash tartibi quyidagicha.

1. 
   “Bir zumda yechish”: 5 ball
   
2. 
   Ikkinchi urinishda yechilsa: 4 ball
   
3. 
   Uchinchi urinishda topilsa: 3 ball
   

Bu rivojlantiruvchi she’riy masalalar musobaqa o’yini ko’magida sinfdagi kichik guruhlar o’rtasida bajarilsa, o’quvchilarda fanga bo’lgan qiziqishi oshadi, ko’proq fikrlashga intilish tug’iladi, iqtidorli o’quvchilar soni ko’paya boradi.
Matematika fanidan tashkil etiladigan yosh matematiklar to’garagi a’zolari bilan mashg’ulotlar olib borilganda ham shunday masalalarni yechish maqsadga muvofiqdir. Agarda masalalar tuzishda ijodkor o’quvchilar bo’lsa ish yanada yaxshi samara beradi. Buning uchun o’qituvchi hamisha o’quvchilarga yordam berib, ularni rag’batlantirib borsa, o’quvchining o’z ustida ko’proq izlanishiga imkon yaratib bergan bo’ladi.
Xuddi shunday rivojlantiruvchi o’yinlardan matematika bo’yicha Davlat ta’lim standartlari talablarini bajarishda ham foydalanish yaxshi natija beradi. Jumladan, 4 – sinf o’quvchilari DTS ko’ra million ichida sanoq texnikasini ya’ni, to’g’ri va teskari sanay olishlari kerak. Bu talab bo'yicha kichik guruhlarning biriga “Milliondan birlab teskari sanang”, “Milliondan o’nlab teskari sanang”, “Milliondan yuzlab teskari sanang”, “Milliondan minglab teskari sanang” kabi tezkor topshiriqlar, ya’niy bir zumda, bir urinoishda birdaniga bajarishga kirishishi talab etiladigan shartlar qo’yilsa, o’quvchilarga qiziqarli bo’ladi, ham DTS talablari bajariladi.