Бир зиёли битта маҳаллага маънавий ҳомий

Темир дафтар”га кирган оилаларни рўйхатдан чиқаришга кўмаклашиш
Маълумки, бугунги кунда мамлакатимизда аҳолининг турли тоифалари билан манзилли ишлаш, ижтимоий кўмакка муҳтож қатлам билан ишлаш мақсадида “Темир дафтар”, “Аёллар дафтари”, “Ёшлар дафтари” жорий этилди. Аввало, ҳар бир профессор-ўқитувчида МФЙ паспорти, аҳоли рўйхати, ёш тоифалари, кам таъминланганлар, турли “Дафтарлар”га қайд этилганлар рўйхати бўлиши зарур. “Темир дафтар”га кирган оилалар вакиллари билан мулоқот олиб бориб, маҳаллий ҳокимият билан бирга рўйхатдан чиқариш чораларини кўриш лозим. Бунда айни пайтда жорий этилган имтиёзлар, тадбиркорликка жалб этиш, субсидиялар ажратилаётганлиги тўғрисида тушунчалар бериш талаб этилади.


Низоли оилалар вакиллари билан суҳбатлар ўтказиш
Ҳар бир профессор-ўқитувчи ўзига бириктирилган МФЙларидаги низоли оилалар рўйхатини олиб, низоларнинг келиб чиқиш сабаблари, уни бартараф этиш бўйича суҳбатлар ташкил этиб бориши керак. Бунда психологларни жалб этиш мақсадга мувофиқ. Чунки айни пайтда ёшлар ўртасида суицид, безорилик, мамлакатда амалга ошириалётган кенг қамровли ислоҳотларга бефарқлик кузатилиши мумкин. Низоли оилаларни муаммолари бўйича тегишли МФЙ ва маҳаллий ҳокимиятга ахборот киритиб бориш керак бўлади.


Ижтимоий муаммо ва иллатларнинг олдини олишга кўмаклашиш
Бу масала ҳам юқоридаги вазифа билан чамбарчас боғлиқ. Оилаларда низолар асосан ижтимоий муаммолар, ишсизлик, моддий етишмовчиликни орқасидан келиб чиқмоқда. Шуларни ҳисобга олиб, муаммоларни сектор раҳбарлари билан бирга ҳал қилиш тавсия этилади. Энг кўп муаммолар биринчи навбатда доимий иш билан таъминланмаслик ёки даромаднинг камлиги.


Маҳалладаги маънавий муҳит ҳолатини таҳлил қилиб бориш
Бириктирилган профессор-ўқитувчилар МФЙларидаги ижтимоий-маънавий муҳитдан мунтазам равишда хабардор бўлиб бориши керак. Бунда биринчи навбатда МФЙ раиси, профилактика инспекторлари билан бирга аҳолини бугунги кундан розилиги, кайфияти, ислоҳотларга дахлдорлик, жиноятчилик ҳолатини таҳлил қилиб бориш лозим. Ижтимоий-маънавий муҳит яхши бўлган жойда ўсиш ва ривожланиш бўлишини ҳис қилиш лозим.