«Bir inson o’zi yashashi mumkin, xattoki ikki inson yashashi uchun ham Davlat zarurdir»

«Bir inson o’zi yashashi mumkin , xattoki ikki inson yashashi uchun ham Davlat zarurdir»- zamonaviy iqtisodiy nazariya asoschilaridan biri, Shotlandiyalik Adam Smitning yuqoridagi nazariyasi inson xususiyatlaridan kelib chiqqan holda hozirgacha amalda. Darhaqiqat insonlar (manfaatlar) yashashida ustqurma sifatida Davlat boshqaruvining ob’ektiv zaruriyati kelib chiqadi, o’z navatida BYUDJET SIYOSATINI olib borilishini taqazo etadi.
Byudjet – qadimginormand tilidan olingan bo’lib, bougette – koshelyok, sumka, pul to’la qop ma’nolarini bildiradi. Moliyaviy reja sifatida amal qilib, ma’lum bir muddatga tuziladi (odatda bir yilga).
Siyosat – bu jamiyat ustqurmasiga taalluqli tushuncha bo'lib, davlatning o'z funktsiyalarini va vazifalarini amalga oshirishga qaratilgan rivojlanish yo'nalishlari va chora-tadbirlari yig'indisidir.
Davlat tomonidan amalga oshiriladigan siyosat elementlari: rivojlanishning u yoki bu bosqichida jamiyat hayotini yaxshilash va rivojlantirish uchun zarur bo'lgan asosiy vazifalar va maqsadlar aniqlanadi va belgilab olinadi; istiqboldagi va yaqin kelajakdagi vazifalar va maqsadlarga erishish uchun eng qo'lay, eng yaxshi natija beradigan zarur chora-tadbirlar ishlab chiqiladi; belgilangan vazifalarni amalga oshiruvchi shaxslar, ijrochi organlar, alohida vakolatli tashkilotlar aniqlanadi, kadrlar tanlanadi va joy-joyiga qo'yiladi.
O'zbekiston Respublikasining Davlat byudjeti (Davlat byudjeti) — davlatning davlat vazifalari va funktsiyalarini moliyaviy jihatdan ta'minlash uchun mo'ljallangan markazlashtirilgan pul jamg'armasi;
BYUDJET SIYOSATI Byudjet munosabatlarini tashkil etish tamoyillarining bajarilishini ta'minlash, davlat va jamiyat oldida turgan maqsad va vazifalarni davlat byudjeti orqali amalga oshirish usullari, chora-tadbirlari va maqsadli faoliyatlari yig'indisidir. Byudjet siyosati davlat va jamiyat rivojlanishining turli bosqichlarida turlicha bo'lishi, ijtimoiy-iqtisodiy taraqqiyot darajasiga qarab o'zgarib turishi mumkin.