Biotexnologik ishlab chiqarishdagi apparatlar, ularning material va detallari

Gazlift» tipidagi neytralizator – ushlab turgich

1 – ko‘pik bilan o‘chirishda suvni uzatish uchun shtutser;

2 va 3 – lyuklar;

4 – apparatlarning ketma-ket birikishda neytralizatning kirish shtutseri;

5 – kosinka;

6 – diffuzorlar;

7 – lyuk-laz;

8 – diffuzor mahkamlanishi.

 

• Qurilma ketma-ket ulangan har xil diametrdagi to‘rtta diffuzor, hamda siqilgan havoni keltirib beradigan quvurdan iborat. Bunday neytralizatorning ishlash prinsipi quyidagicha: havo quvur orqali pastki diffuzorga kiradi, va neytralizat bilan aralashib, zichligi diffuzorlar devorlaridan tashqaridagi neytralizat zichligidan kichik bo‘lgan gaz-suyuqlik aralashmasini hosil qiladi. Zichliklar farqi natijasida neytralizatorda suyuqlikning intensiv sirkulyasiyasi kechadi. Aralashtirishga ketadigan havoning sarfi 1 m3 neytralizatga 1 m3/min ni tashkil qiladi.
• Oziqa muhitlari, tuzlar va turli xil qo‘shimchalar (ko‘pikli o‘chiruvchilar, kislotalar) eritmalarini bevosita olish uchun 100 m3 gacha sig‘imga ega apparat-smesitellardan foydalaniladi. Ularning barchasi kislotaga chidamli po‘lat yoki korroziyaga bardoshli materiallar bilan futerlangan uglerodli po‘latdan tayyorlanadi. Apparatlar mexanik aralashtiruvchi tuzilmalar, sath o‘lchagichlar va ularning effektiv ekspluatatsiyasi uchun kerakli boshqa moslamalar bilan ta’minlangan.

• Mikrobiologik sanoatda suspenziyalar hosil bo‘lishi bilan kechadigan an jarayonlar tarqalgan. Dag‘al suspenziyalar o‘zida kattaligi 100 mkm dan oshadigan, yupqalari 0,5 ÷ 100 mkm, loyqalar 0,1 ÷ 0,5 mkm, kolloidli eritmalar 0,1 mkm dan kichik qattiq zarrachalarni tutadi.
• Suspenziyalar texnologik jarayonning quyidagi bosqichlarida hosil bo‘ladi: oziqa muhitlari va tuzlarni tayyorlashda, o‘simlik xomashyosi gidrolizatlarini neytrallashda, mikroorganizmlarni kultivirlash va mikrobli sintez mahsulotlarini ajratib olishda, oqava suvlarni hosil qilish va tozalashda. Suspenziyalarni ajratish tindirgichlar, gidrotsiklonlar va filtrlar yordamida amalga oshiriladi.

• Suspenziyalarning cho‘kmaga tushirish orqali ajralishi qattiq zarrachalar va dispersion muhit zichliklari orasidagi farq tufayli kechadi. Ushbu farqning kattalashuvi bilan ajralish effektivligi ham oshadi. CHo‘kmaga tushirishdan farqli ravishda, suspenziyalarning filtrlash orqali ajralishi porali to‘siqning ikki tomonidagi bosimlar farqi tufayli sodir bo‘ladi. Bunda dispersion muhit to‘siqdan o‘tadi, qattiq faza esa uning sirtida ushlanib qoladi.