Биоорганик ва биологик кимё кафедраси биологик кимё 2-курс моддалар алмашинуви ва функцияларини гормонлар ёрдамида бошқарилуви

Нерв ва эндокрин тизимлар орасидаги боғлиқлик

• Идора этиш системасига гормонлар ишлаб чиқарилишининг қўшилиши дистант бошқарилишни амалга оширишга имкон беради, яъни хужайра ўз метаболизмини бошқаришдан ташқари бошқа хужайралар таъсирига учрайди.

• Гормонлар - ички секреция безларининг махсус хужайраларида ҳосил бўлгандан сўнг, қонга ўтиб, моддалар алмашинуви ва физиологик функцияларга регулятор (бошқарувчи) таъсир кўрсатувчи органик табиатли моддалардир.

• Регулятор тизимларга гормонлар ишлаб чиқарилишини киритилиши масофали бошқарилишни таъминлайди. Бунда ҳужайра нафақат ҳужайра ички метаболик йўлларини ўзгартириб қолмасдан, балки бошқа ҳужайраларнинг таъсирига ҳам учрайди.

• Периферик безларда гормонларнинг ҳосил бўлиши ва ажралиши доимо кечади. Бу гормонларни қондаги концентрациясини доимийлигини таъминлайди, чунки улар тез инактивланиб организмдан чиқарилиб юборилади.
• Қонда гормонлар концентрациясининг доимийлиги ўз-ўзини идора этиш механизми бўйича амалга оширилади. Гормон қон орқали нишон ҳужайраларга етказилиб, унда моддалар алмашинувини ҳужайра ички механизми бўйича ўзгартиради.

Гормонлар таснифи

• Кимёвий табиатига кўра гормонлар уч гуруҳга бўлинади: 1. Пептид (оқсил) табиатли гормонлар. а) мураккаб оқсиллар - гликопротеинлар; буларга ФСГ, лютеинловчи гормон, ТТГ ва бошқалар; б) оддий оқсиллар: пролактин, СТГ, инсулин ва бошқалар киради; в) пептидлар: АКТГ, глюкагон, кальцитонин, соматостатин, вазопрессин, окситоцин ва бошқалар киради;
• 2. Аминокислоталар унумлари: катехоламинлар, тиреоид гормонлар, мелатонин ва бошқалар киради;

• 3. Стероид бирикмалар ва ёғ кислоталар унумлари (простагландинлар). Стероидлар гормонлар моддаларнинг катта гуруҳини ташкил қилади; уларга буйрак усти безлари гормонлари (кортикостероидлар), жинсий гормонлар (андрогенлар ва эстрогенлар), 1,25 - диоксихолекальциферол ва бошқалар киради.
• Эйкозаноидлар – кўп тўйинмаган ёғ кислоталар (арахидонат) унумлари бўлиб, уч синф бирикмаларни ўз ичига олади: простагландин, тромбоксан ва лейкотриенлар. Улар сувда эримайдиган ностабил бирикмалар бўлиб, ўз таъсирини синтезланган жойи яқинидаги хужайраларга кўрсатади.