Biologiya o`qitish metodikasi” kafedrasi botanika (o`simliklar sistematikasi) fanidan

Tuzuvchi: katta o`qituvchi: M.X. Ravshanova

Mustaqil ta`lim NDPI Tabiiy fanlar fakulteti “Biologiya o`qitish metodikasi” kafedrasining 2019 yil ____avgust 1 sonli yig`ilishida ko`rib chiqilgan va ma`qullangan.

KIRISH

O`zbekiston Respublukasi Vazirlar mahkamasining 2001 yil 16 avgustdagi "Oliy ta`limning davlat ta`lim standartlarini tasdiqlash to`g`risida"gi 343-son qaroriga muvofiq kadrlar tay`yorlash sifatini nazorat qilishda talabalarning mustaqil ishlarini tashkil etish bo`yicha Oliy va o`rta maxsus ta`lim vazirligining 2005 yil 21 fevraldagi 34-son qaroriga muvofiq Nizom ishlab chiqildi. Bu Nizomga muvofiq oliy o`quv yurtlari kafedralarida har bir fan bo`yicha mustaqil ish mavzulari, ishning tashkiliy shakllari va topshiriq variantlari ishlab chiqilib talabalarning mustaqil ishlari tashkil etilmoqda.

Ushbu amaliy tavsiyalarda Botanika fanidan talabalarning mustaqil ishlarinini tashkil etishning maqsad va vazifalari, kurslar va semestr bo`yicha mustaqil ish mavzulari, topshiriq shakllari, nazorat qilish usuli va baholash tizimi to`g`risida ma`lumotlar berilgan. Botanika fanidan mustaqil ishlar topshirig`i shakllari, ularni bajarilish tartibi, mustaqil ishni bajarish uchun kerakli bo`lgan o`quv adabiyotlari va uslubiy qo`llanmalar, elektron darsliklar ro`yxati, Internet tarmog`idan foydalanish manbaalari - saydlaridan foydalanish yuzasidan tavsiyalar berilgan.
Mustaqil ishlarni mazmunini o`quvchilar tomonidan mukammal yoritilishini ko`zda tutgan holda "Botanika" fanining maqsad va vazifalari, talabalar bilim, ko`nikma va malakalariga qo`yiladigan talablar ilova sifatida berilgan. Ushbu qo`llanma mustaqil ishlarni to`g`ri tashkil etishda va bajarishda talabalarga tavsiya qilinadi.


Talaba mustaqil ishining tashkiliy shakllari va baholash:

Talabaning mustaqil ishini tashkil etishda muayyan fan (kurs)ning xususiyatlarini, shuningdek, har bir talabaning akademik o`zlashtirish darajasi va qobiliyatini hisobga olgan holda qo`yidagi shakllardan foydalaniladi:

- ayrim nazariy mavzularni o`quv adabiyotlari yordamida mustaqil o`zlashtirish;
- berilgan mavzu bo`yicha axborot (referat) tayyorlash;
- laboratoriya ishlarini bajarishga tayyorgarlik ko`rish;
- hisob-grafik ishlarini bajarish;
- kurs ishi (loyihasi)ni bajarish;
- malakaviy bitiriuv ishi va magistrlik desertasiyasini tayyorlash;
- nazariy bilimlarni amaliyotda qo`llash;
- amaliyotdagi mavjud muammolarning yechimini topish (keys-stadi);
- maket, model va namunalar yaratish;
- ilmiy maqola, anjumanga ma`ruza tezislarini tay`yorlash.
O`qitilayotgan fanning xususiyatlaridan kelib chiqqan holda, talaba mustaqil ishini tashkil etishda boshqa shakllardan ham foydalanishi mumkin.
O`quv fanlari bo`yicha namunaviy va ishchi dasturlarda talaba mustaqil ishining shakli, mazmuni va hajmi ifoda etiladi.