«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
101 
қипиғи наштарсимон, томирланган, тишчаси узун, ўткир, елкаси йўқ. Қилтиғи 
ўртача 10-11см, оқ, ўртача дағалликда. Бошоқдаги дон миқдори 70-80 тани 
ташкил этади. Битта бошоқ оғирлиги 1.5-2.2 г. Дони овалсимон, тукли. 1000 та 
дон оғирлиги 36-38г, ранги қизғиш. Дон ҳосилдорлиги ўртача 50-55ц/га, яшил 
масса-280-300ц/га ташкил этади. Вегетация даври кўк масса учун 170-175 кун, 
дон учун 225-230 кунга тенг. Мазкур нав шамолли, кучсиз шўрланган худудлар 
учун сидерат ва озуқа экин сифатида тавсия этилади. 
Илмий манбаларда қайд этилишича, тритикале буғдой навларига 
нисбатан оқсил миқдори бўйича устунлик қилади. Лаборатория таҳлиллари 
бўйича “Армуғон 60” нави донида оқсил 11.38 % ни ташкил этган бўлса, 
арпада- 9.75 % ни, буғдойнинг “Таня” навида- 9,61 % ни ташкил этган[1]. 
Шўрланган тупроқ шароитида ўсимликларнинг туз тўплаш имкониятлари 
уларнинг шўрга чидамлигини аниқлашда асосий критериялардан бири 
ҳисобланади. Тритикале таркибидаги умумий туз, катион ва анионларни 
миқдорини аниқлаш натижалар шуни кўрсатдики, назорат “Праг кумушсимон” 
навида умумий туз 3.02% ни ташкил этган бўлса, “Армуғон-60”навида- 3.42% 
ни ташкил этди. Ушбу маълумотлардан “Армуғон-60” нави умумий туз 
миқдори бўйича назоратдан устун бўлди. Хлор ионининг миқдори назорат- 
0.070 % ни, “Армуғон-60” навида- 0.121 % ни ташкил этди. Кальций бўйича 
ҳам “Армуғон-60” нави назоратга нисбатан устунлик қилди. Ушбу маълумотлар 
тритикаленинг “Армуғон-60” нави назаротга нисбатан шўрга чидамлилигини 
кўрсатмоқда. 
Чунки 
хлор 
ва 
кальций 
элементларининг 
миқдори 
ўсимликларнинг шўрга чидамлилигидан далолат беради [2]. 
Тритикаледан оралик (сидерат) экин сифатида фойдаланиш яхши самара 
беради. Бунинг учун тритикалени дуккакли дон экинлар билан бирга экиш 
озуқа сифатини яхшилайди ва тупроқ унумдорлигини оширади. Тадқиқотлар 
шуни кўрсатдики, дуккакли дон экинлардан бўлмиш вика илдиз массасининг 
20-25 % ни азот тўпловчи бактериялар ташкил этади. Вика тритикале билан 
бирга экилганида тритикале вика учун таянч вазифасини бажаради. Натижада, 
вика пояси ётмайди ва чиримайди. Бу сифатли озуқа ва дон етиштиришга ёрдам 
беради. Тритикалени вика билан бирга экиш уни шўрли муҳитга чидамлигини 
янада оширади. Ҳисоблаш натижалари шуни кўрсатдики, вика таркибидаги 
хлор иони 0.7 % ни, тритикаледа- 0.07 % ни ташкил этди. Вика тритикалега 
нисбатан 10 баробар кўп хлор ионини ўзлаштирди. Демак, гетероген 
агроценозда вика тритикале учун яхши муҳит яратади, ўз навбатида тритикале
вика учун таянч вазифасини бажаради. Бу ерда ўсимликлар ижобий ҳамкорлиги
содир бўлади [3]. 

---