«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
37 
Respublikamizda universitetlarda va pedagogika oliy o‘quv yurtlarida 
zoologiya fanidan qo‘lanilib kelinayotgan namunaviy o‘quv dasturlarida umurtqasiz 
hayvonlardan quyidagi mavzular talabalar tomonidan mustaqil ish sifatida 
bajarishlari rejalashtirilgan:
1.
Chlorophyta tipi, volvokslar. Koloniya bo‘lib yashovchi xivchinlilar. 
2.
Yoqali xivchinlilar (Choanoflagellata), Retortamonada va Axostylata tiplari.
3.
Taroqsimonlar (Ctenophora) tipi. 
4.
Mesozoa: Orthonectida va Dicyemida tiplari: umumiy tavsiflari; filogeniyasi. 
5.
Kurakoyoqli mollyuskalar(Scaphopoda) sinfi. 
6.
Echiura va Sipuncula tiplari. 
7.
Onychophora va Tardigrada tiplari.
8.
Dengiz o‘rgimchaklari (Picnogonida) sinfi. 
9.
Priapulida, Loricifera, Kinorhyncha tiplari vakillarini xilma-xilligi.
10.
Gnathifera katta tipi. Umumiy tavsifi. Gnathostomulida tipi: tavsifi, xilma-xilligi. 
11.
Kamptozoa va Cycliophora tiplari. 
12.
Lophophorata katta tipi.
O‘qituvchi mustaqil ishlash topshiriqlarini ishlab chiqarishga o‘quvchi-
talabalar bilimini ular egallagan va egallashi lozim bo‘lgan amaliy va o‘quv 
ko‘nikmalarini hisobga olishi lozim.
Mustaqil ishlarni tabiiy obyektlar, darslik va o‘quv qo‘llanmalari ekran va 
kompyuter vositalari orqali tashkil etish mumkin. Mustaqil ishlar o‘quvchi-talabalar 
o‘quv faoliyatining eng muhim doimiy tarkibiy qismi bo‘lishi lozim. Bu, ayniqsa, 
hozirgi davrning eng dolzarb muammosi hisoblanadi. 
Fan, texnika va jamiyat taraqqiyotining misli ko‘rilmagan darajada 
jadallashuvi, o‘quvchi-talabalarni bilishi va esda saqlab qolishi lozim bo‘lgan 
axborotning kun sayin ortib borishi tufayli ta’lim jarayonida o‘quvchi shaxsining 
asosiy o‘ringa chiqishi, ya’ni «o‘qituvchi-darslik-o‘quvchi» paradigmasi yangi 
«o‘quvchi-darslik-o‘qituvchi» sistemasi bilan almashishi lozim. Hozirgi ta’lim 
tizimida o‘qituvchining asosiy vazifasi o‘quvchilarning mustaqil bilim olish 
faoliyatini tashkil etish, ularni mustaqil bilim olishga va olgan bilimlarini amaliyotga 
tatbiq etishga o‘rgatishdan iborat. Buning uchun o‘qituvchi faqat tayyor bilimlarni 
o‘zlashtirishga yordam beradigan metodlardan foydalanish bilan cheklanmasdan, 
balki yangi bilimlarni o‘zi mustaqil o‘zlashtirishga, ular dunyoqarashini 
shakllantirishga imkon beradigan texnologiyalar tanlab olinadi. 
Mustaqil ishlash uchun beriladigan mavzular va ishlar individual xarakterda 
bo‘lib, talabalarning Zoologiya fani bo‘yicha ma’lumotlarni chuqur o‘rganishga 
qaratilgandir. Talaba mustaqil ishni tayyorlashda fanning xususiyatlarini hisobga 
olgan holda, quyidagi shakllardan foydalanish tavsiya etiladi: 

---