«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
5 
маданий ландшафтлари буларнинг барчаси ўзига хос флористик мажмуага эга бўлган 
экотизимларни ташкил этади.
Ўзбекистон флораси ва фаунаси жуда қадимий бўлиб, у мураккаб генетик 
ришталар билан чамбарчас боғланган. Бу ўлкада Турон ва Туркистоннинг эндемик ва 
автохтон турларининг аҳамияти жуда катта ҳисобланади. 
Ўсимлик ва ҳайвонларнинг ҳар бир тури табиатнинг тарихан такрорланмас, 
генетик жиҳатдан ягона, ҳар қандай биологик жамоада фақат ўзига хос ўринга 
эгалиги сабабли, табиий барқарорликни таъминлашда муҳим аҳамиятга эга бўлган 
инъом ҳисобланади. 
Ўзбекистон Республикаси 1995 йилда “Биохилма-хиллик тўғрисидаги” 
Конвенцияга қўшилиб халқаро ҳамжамият олдида ўзининг миллий биологик 
ресурсларини муҳофаза қилиш учун жавобгарликни эълон қилди. Ўзбекистоннинг бу 
борадаги қадамлари – 1997 йилда “Йўқ бўлиб кетиш хавфи остидаги ёввойи фауна ва 
флора турларининг халқаро савдоси тўғрисида”ги (Бонн-CMS) ва 2001 йилда 
“Халқаро аҳамиятга эга, айниқса, сувда сузувчи қушларнинг яшаш жойлари бўлган 
сув-ботқоқли жойлар тўғрисида”ги Конвенцияларга қўшилиши бўлди. 
Атроф муҳитни экологик жиҳатдан соғломлаштириш жараёнларини 
уйғунлаштириш ва биологик ресурсларни муҳофаза қилиш мақсадида Ўзбекистон 
Республикаси Табиатни Муҳофаза Қилиш Давлат Қўмитаси, Фанлар Академияси ва 
бошқа ташкилотлар ҳамкорликда “Биохилма-хилликни сақлашнинг миллий 
стратегияси ва ҳаракат режаси”ни ишлаб чиқишни ўз зиммаларига олиб, бу 
минтақада экологик тизимни барқарорлаштиришда муҳим аҳамиятга эгадир. 
“Биохилма-хилликни сақлаш ва ривожлантириш” мавзусидаги анжуманнинг 
ўтказилиши эса Республикамиз ва унга ёндош бўлган ҳудудларда ўсимликлар ва 
ҳайвонот оламини яхшилашда ва айниқса, бугунги кунда Орол денгизи ҳавзаси 
муаммоси билан боғлиқ ҳолда ҳудудларда экотизимни барқарорлаштириш мақсадида 
олиб борилаётган тадқиқотларни мувофиқлаштиришда муҳим бир асос бўлиши 
мумкин.