Биноларни тадқИҚот қилишда меҳнат муҳофазаси ва хавфсизлик техникаси

БИНОЛАРНИ ТАДҚИҚОТ ҚИЛИШДА МЕҲНАТ МУҲОФАЗАСИ ВА ХАВФСИЗЛИК ТЕХНИКАСИ
Муаллифлар тўғрисида маълумот
Саттаров Икрамбой Сапарбоевич – т.ф.н., Самарқанд давлат архитектура-қурилиш институти, “Бино ва иншоотлар” кафедраси доценти, ,. Телефон [phone], e-mail: [e-mail].
Саттаров Темур Икрамбоевич – , Самарқанд давлат архитектура-қурилиш институти, “Қурилиш материаллари, буюмлари ва конструкцияларини ишлаб чиқариш” кафедраси ассистенти,. Телефон [phone], e-mail: [e-mail].
Аннотация.Ушбу мақолада кўп қаватли темирбетон каркасли бинони тадқиқот қилишда ва таъмир лойиҳасини ишлаб-чиқишда хавфсизлик техникасини тадбиқ қилган холда, тадқиқот ва кучайтириш усуллари келтирилган. Ҳамда бинони кучайтириш орқали унинг умрбоқийлигини ошириш ва инсонларнинг хавфсизлигини таъминлаш масалалари кўриб чиқилган.
Калит сўзлар: Темирбетон каркас, тадқиқот, устун, ригел, бетон синфи, кучайтириш, таъмир лойиҳа, металл профил.
1.Кириш. Республикамиз шу кунгача бўлган тараққиёт даври мобайнида турли тармоқларда катта ютуқларга эришиб, бугунги кунда жаҳондаги кучли индустриал давлатлар қаторидан ўрин эгалламоқда. Шу жумладан, қурилиш соҳасидаги олиб борилаётган ишлар юртимизда замонавий турар-жой ва жамоат биноларининг барпо этилиши, эски биноларнинг жорий ва мукаммал таъмирлашга бўлган талабларининг ошиши, шаҳарларимизни кўркамлаштиришда катта аҳамият касб этаяпти.
Турар-жой ва жамоат биноларидан фойдаланишда, шунингдек уларни жорий ва мукаммал таъмирлашда меҳнатни муҳофаза қилиш қоидаларига бўлган талаблар ҳам оширилмоқда [1, 2]. Бунга сабаб айрим биноларнинг фойдаланишга топширилмасдан шикастланиши ва авария холатларинг пайдо бўлишидир.
«SAM MBI EKSPERTIZA» Масъуляти чекланган жамият Ўзбекистон Республикаси Давлат архитектура қурилиш қўмитаси томонидан 5 июн 2009 йилда берилган 000753 - сонли “Бинолар ва иншоотларнинг техник холатини текшириш”га руҳсат этилган лицензияга, Ўзбекистон стандартлаштириш, метрология ва сертификатлаштириш Агентлиги томонидан аккредитацияланган UZ.AMT.07.MAI.652 – сонли “Қурилиш материалларини ва конструкцияларини даврий, сертификацион ва бошқа турдаги синовларни ўтказишга” руҳсат этилган аккредитация гувоҳномасига хамда илмий ишлаб чиқариш лабораториясига эга.
«SAM MBI EKSPERTIZA» масъуляти чекланган жамият томонидан шу кунгача 600 дан ортиқ Республикамиз вилоятларида реконструкция қилинаётган бино ва иншоотларнинг техник холати тадқиқот қилинган.