Bino va inshootlar

9-Ma’ruza: Sog‘lomlashtirish muassasalarining binolari

---

Reja:
1.Sog‘lomlashtirish binolariga qo‘yiladigan talablar.
2.Sog‘lomlashtirish binolarining vazifalari.
3.Sog‘lomlashtirish binolarini loyihalashdagi me’yoriy-hujjatlar.
Tayanch iboralar:
hajmiy-rejaviy echimlar, tabiiy iqlim
sharoitlari, sanatoriyalar, bolalar lagerlari, tomosha zallari,
kommunikatsiya xonalari, odamlar oqimi, oqimning zichligi, o‘tkazish
qobiliyati, harakat intensivligi, xarakat tezligi, sanatoriyalar xonalari,
loyihalashga oid me’yoriy hujjatlar, markazlashtirilgan usul, bloklash usuli,
pavilyon usul,
Aholini profilaktik davolash va dam olishini ta’minlash maqsadida
sanatoriyalar, dam olish uylari, kurort mehmonxonalari va boshqa
salomatlikni tiklash muassasalari barpo etiladi. Bu muassasalarda davolash
va hordiq chiqarish tabiiy usullar yordamida amalga oshiriladi (quyosh, havo,
dengiz). Sanatoriyalar va dam olish muassasalari mamlakatning nisbatan
tabiiy iqlim sharoitlari yaxshi bo‘lgan hududlaridagi kurortlar va dam olish
zonalarida quriladi. Alohida muassasalardan yirik majmualar yaratilishiga
o‘tish prinsipial yangi yo‘nalish bo‘lib, sanatoriyakurort tizimining ijtimoiy
va iqtisodiy samaradorligining sezilarli darajada ko‘tarilishiga imkon beradi.
Yirik majmualarni tashkil etish bilan qimmatli bo‘lgan maydonlardan
unumli foydalanish, qurilishni maksimal industrializatsiyalagan holda
arxitekturaviy go‘zal ansambllarni yaratish, xizmat ko‘rsatishning yuqori
saviyasini ta’minlash, shuningdek, xo‘jalik faoliyalining tashqi muhitga
salbiy ta’sirini kamaytirish kabi shartlar bajariladi.
Aholining dam olishi va davolanishi uchun maxsuslashtirilgan kattalar,
o‘smirlar va bolalar sanatoriyalari; yosh bolali ota-onalar sanatoriyalari;
maktab o‘quvchilari uchun sanatoriya-lagerlar; sanatoriyaprofilaktoriyalar;
dam olish uylari va pansionatlar (shuningdek, yosh bolali oilalar uchun); dam
olish bazalari; yoshlar oromgohlari; yuqori sinf o‘quvchilarining
salomatliklarini tiklash oromgohlari; maktab faollari uchun oromgohlar;
maktabgacha bolalar muassasalarining dala hovlilari; turistik mehmonxonalar,
turistik bazalar, motellar, kempinglar, bolalar uylari quriladi.