“Bino va inshootlar qurilishi ” fakulteti “Bino va inshootlarni loyihalash”

Bizga ma’lumki, quyosh qurilmalari kommunal-xo’jaliklarda, shaxsiy uylarda, madaniy va maishiy xizmat hamda davolash muassasalarida keng qo’llaniladi. Shuning bilan birga issiq suv ta’minot darajasi turmush tarzini belgilaydi va insonlarning yashash sharoiti yaxshilangan sari issiq suv iste’moliga bo’lgan talab ortib boradi. An’anaviy energiya manbalaridan uzoqda joylashgan mintaqalarda quyosh qurilmalaridan keng foydalanish energetik, ekologik va sotsial axamiyatga ega.Quyosh energiyasini issiqlik energiyasiga aylantirish va undan foydalanish sohasidagi jahon tajribasiga ko’ra past haroratli iste’molchilarning samarali issiqlik ta’minoti tizimlaridan biri passiv isitish tizimlaridir. Passiv quyoshli isitish tizimlari ichida avvalo o’zining konstruktiv yechimlari nuqtai nazardan oddiyligi bilan ajralib turadigan insolyatsion passiv tizimlar eng katta amaliy qiziqish kasb etadi.