Bilim sohasi

Oilada mehnat tarbiyasi. Bu bolalarga mehnat ta’limiga oid ilmiy bilimlar berish, mehnat qurollari bilan muomala qilishga o‘rgatish, hayotga tayyorlashdir. Tarbiyaning bu jarayonida yoshlar xalq va Vatan manfaati yo‘lida mehnat qilishi va bunga zaruriy ehtiyoj sezishga odatlantiradi. Mehnat tarbiyasida umumiy va ijtimoiy foydali mehnat va o‘z-o‘ziga xizmat qilish turlari farqlanadi.

Oilada huquqiy tarbiya. Tarbiyalanuvchilarning (bola) huquqiy bilimlarni oshirish, qonunlarni yaxshi o‘zlashtirib, ularga to‘liq rioya etish ko‘nikmasini hosil qilish. Huquqiy tarbiyani tashkil etish jarayonida bolalarga davlat Konstitutsiyasi haqidagi ta’limotni, chunonchi, fuqarolik, oila, mehnat, xo‘jalik ma’muriy, nafaqa, sud ishlarini yuritish va boshqarish huquqlari ma’nosini tushuntirish, ular ongiga ijtimoiy – huquqiy me’yorlarning shaxs va jamiyat hayotidagi ahamiyati haqidagi tasavvurga ega bo‘lishlarini ta’minlash, huquqiy ong, shuningdek, huquqiy faoliyatni tashkil etish borasidagi ko‘nikma va malakalarni hosil qilishdan iborat. Oilada tarbiya natijalarining samaradorligi bolalarga nisbatan motivatsiyaga bog‘liqdir.