Bilim sohasi

TA’LIM QONUNIYATLARI VA TAMOYILLARI.

TA’LIM QONUNIYATLARI

O‘quv jarayonida amal qiluvchi barcha qonuniyatlar umumiy va xususiy xarakter kasb etishiga ko‘ra ikki guruhga ajratiladi. Amal qilinishiga ko‘ra yaxlit didaktik tizimni qamrab oladigan qonuniyatlar umumiy, amal qilinishiga ko‘ra faqat alohida tarkibiy qismlariga tegishli bo‘lgan qonuniyatlar esa xususiy (aniq) deb ataladi.

I.P.Podlasiy o‘qitish jarayoning quyidagi umumiy qonuniyatlarini ajratib ko‘rsatadi:

– O‘qitish maqsadi qonuniyati. O‘qitish maqsadlari quyidagilarga bog‘liq bo‘ladi: jamiyatning rivojlanish sur’ati va darajasiga; jamiyatning talablari va imkoniyatlariga; pedagogika fani va amaliyotining rivojlanganligi va imkoniyatlari darajasiga.

– O‘qitish mazmuni qonuniyati. O‘qitish (ta’lim) mazmuni quyidagilarga bog‘liq bo‘ladi: o‘qitish ijtimoiy ehtiyojlari va maqsadlariga; ijtimoiy va ilmiy – texnik taraqqiyot sur’atiga; o‘quvchilar yoshi, imkoniyatlariga; o‘qitish nazariyasi va amaliyoti rivojlanish darajasiga; o‘quv yurti moddiy – texnik va iqtisodiy imkoniyatlariga.