Bilim sohasi

Kreativlikni tarbiyalash bo‘yicha tavsiyalar

– o‘z tafakkuringizni original yechimlar topish va ularni targ‘ib qilishga yo‘naltiring, yangi g‘oyalarni ishlab chiqishga o‘zingizni majburlang;

– boshqa insonlar siz to‘g‘ringizda noto‘g‘ri tushunchaga borishidan cho‘chimang;

– keng mushohada etish, an’anaviy bo‘lmagan usullardan foydalanish, tafakkur tarzingiz, milliy mentalitet va stereotiplar qobig‘idan chiqib ketishga urining;

– agar birinchi tajribangiz muvaffaqiyatsiz bo‘lsa ham, o‘z tajribalaringizdan voz kechmang, noan’anaviy usullarda fikrlashni davom ettiring, masala yechimining turli variantlarini toping, boshqa yo‘llarni qidirishda davom eting;

– diskussiya va bahslarda doimo erkin bo‘ling, mulohazaning o‘zingizga qaratilganligiga ishonmang, jarayonni to‘g‘ri tashkil qiling, fikrlaringizni nazorat qilib boring;

– tushunarsiz narsa va hodisalarning mohiyatini anglashga harakat qiling.

Kreativlikni tarbiyalash mezonlari kasb talablariga javob beruvchi maxsus bilim, ko‘nikma, malaka va shaxs sifatlari majmuasidan iborat. U ijtimoiy foydali natijalarni olishga yo‘naltirilgan bo‘lib, rahbar unga o‘zini–o‘z boshqarish xodimlari bilan to‘g‘ri suhbatni tashkil etish natijasida erishishi mumkin.