Билим соҳаси – Социал таъминот ва соғлиқни сақлаш 500000

 
11.2 Дори воситаларини қабул қилиш усули 
Дори моддаларини юбориш усуллари: 
1) ташқи усул тери қопламалари, шиллиқ пардалар ёки нафас йўллари 
орқали 
2) ички(энтерал)усул оғиз ёки тўғри ичак орқали 
3) парентериал усул меъда ичак йўлларини четлаб, яъни тери ости, тери 
ичи, мушак ичи ва вена ичи инъекциялари орқали. 
Энг кўп тарқалган ва эффекти кучли бўлган усул бу парентериал 
усулдир. 
Дори 
моддаларининг 
парентериал 
юборишнинг 
асосий 

---

144 
афзалликлари юборишнинг тезлиги ва дозанинг аниқлигидадир. Инъекция 
деб, дори моддаларининг шприц ёрдамида тери орасига, тери остига, 
мушакка, ва бошқа соҳаларга юборишга айтилади. Бу усул асептика 
қоидаларига риоя қилишни талаб қилади. Акс ҳолда организмга касаллик 
қўзғатувчи микроблар тушиб, инфекцион асоратлар ривожланишига,бу эса 
баъзан ўлим билан тугаши мумкин. Шунинг учун тиббиёт ҳамшираси 
асбобларни стериллашдан олдин тайёрлаш, ўз қўллари ва бемор терисига 
ишлов бериши, энг муҳими эса антисептика қоидалари жароҳатларни 
инфекция қўзғатиш эҳтимоли бўлган микроорганизмлардан асрай билиши, 
инъекция қилаётганда стерил қўлқопларни кийиб олиши керак.
Ҳамшира бемор билан тинч ва осойишта суҳбат ўтказади, уни ҳар бир 
инъекцияга тайёрлайди, касални қулай жойлаштириш, инъекцияни тўғри 
олиб бориш кўп беморларда инъекциядан олдин пайдо бўлувчи қўрқув ва 
оғриқни олдини олади. Бемор ҳеч қачон инъекция вақтида турмаслиги 
керак, чунки бунда нинанинг чиқиб кетиши ва синиши мумкин. Бунда эса 
нина мушак ичкарисига кириб кетиши мумкин. Бундай ҳолатларда кўпинча 
нинани фақатгина жарроҳлик йўли билан чиқариб олиш мумкин. 
Бемор турган ҳолда бўлса, унинг думба мускуллари таранг ҳолда 
бўлади. Инъекция вақтидаги қўшимча таъсирланиш мушакнинг янада тезроқ 
таранглашувига олиб келади. Бу эса игна синиб кетишига асосий сабабдир.