Билим соҳаси – Социал таъминот ва соғлиқни сақлаш 500000

4.6.2. Овқат ҳазм қилиш тизими ҳолатини баҳолаш 
Кўрик
. Қоринни кўздан кечириш горизонтал ва вертикал ҳолатда амалга 
оширилади. Аввало қориннинг тузулишига, унинг катта кичиклигига, 
симметриклигига, кўринишидан аниқлаш мумкин бўлган ошқозон ичак 
перестальтикасига ва нафас олишга этибор қилинади. Аввал қоринниг ранги, 
унинг зичлиги, ялтираши, ичаклар ва думба қисми (тортишган, текис, 
шишган) кўздан кечиралади. 
Анус кўригида ундаги суюқлик чиқиши, атрофи ёрилиши ёки ичак 
чиқишини аниқлаш шарт. 

---

343 
Оғиз бўшлиғини кўриги жараёнида шиллиқ қатлам, милклар, оғизнинг 
юқори қисмига, тил ва тишларга ҳам катта аҳамият қилиш керак. Бу пайтда 
оғиз бўшлиғининг яхши ёритилгани жуда муҳим. Ёш гўдакларнинг оғиз 
бўшлиғини кўриб чиқиш қийинлиги сабабли бунда болани силаб чалғитиш
керак. Бунинг учун ёрдамчи ёки ҳамшира боланинг орқасини ўзига қаратган 
ҳолда тиззасига ўтқизиб оёқларини тиззаси билан сиқиб олади: ўнг қўли 
билан боланинг баданини силайди, чап қўли билан боланинг бошини. 
Шифокор боланинг ўнг томонида туриб, оғиз бўшлиғига тушаётган чироқ 
нурини ёпиб қўймаслиги керак.
Оғиз бўшлиғини шпател ёки қошиқ билан кўриш керак ва хеч қачон 
боланинг истагига кўра шпателсиз кўриш керак эмас.
Расм 51. Катта ёшли болаларда кўрик оғиз бўшлиғини кўришдан бошланади 
 
Авваламбор оғизнинг, лабнинг шиллиқ қаватини, юз, милқ, оғизнинг 
юқори қисмидаги юмшоқ ва қаттиқ қатламни, тишни кўриш лозим. 
Эътиборни шиллиқ қават рангига, унинг намлигига, гиперемия, яра,
Филатов-Коплик доғларига, милкларнинг қонашига қаратиш керак. Алоҳида 
эътиборни тилнинг (глоссит, макроглоссия, яра, караш, географик тил ва х.з) 
ва тишнинг (сони, доимий ёки бошланғич, кариес борлиги) кўринишига 

---

344 
қаратиш керак. Кўрикни оғиз бўшлиғи ва лунжларни кузатиш билан 
тугатилади. Бунинг учун шпателни тилнинг ичкари тарафига секин аста 
тиқиб уни эхтиёткорлик билан босиш, болага оғзини каттароқ очишга ундаш 
керак. Бу пайтда тил оғиз бўшлиғида бўлиши лозим. Агар бола оғзини ёпиб 
олса ва шпател бола оғзида қолса, бундай ҳолда шпател учини секин асталик 
билан охирги жағ тиш милкига олиб келиб аста босиш керак. Шунда 
боланинг лунжи ва ҳатто томоқ қисмини кўриш мумкин.