Билим соҳаси – Социал таъминот ва соғлиқни сақлаш 500000

Расм 29. “Рахит тасбехлари”
Расм 30. 
«Бақасимон қорин
» 
 
 
 
 
Расм 32. “Рахитик билакузук” 
 
 Расм 31. «Товуқ тўш»

---

261 
''рахит марварид иплари'' деб аталади. Рахитда товуқ кўкрагига ўхшаш 
кўкрак қафасининг қийшайиши ҳам мумкин, бунда тўш суяги олдинга чиққан 
бўлиб, кўкрак қафаси икки ён томондан қисилган бўлади. 
Расм 33. Рахит касаллигидаги оёкларнинг «Х» , «О» ва «килич»симон 
қийшайишлари
 
Рахитда кўкрак қафасининг бошқа бир шакли «косиб кўкраги» белгиси 
кузатилиб, бунда тўш суягининг айниқса пастки ҳанжарсимон ўсимтаси 
олдидан ичга ботган бўлади. Мушаклар тонусини пасайиши натижасида статик ва 
ҳаракат фаоллигини ривожланиши орқада қолиб, ''бақасимон қорин'', ''ўйноқи 
бўғим'' белгиларини пайдо бўлишига олиб келиши мумкин. Рахит касаллигида 
суяклар юмшоқлиги туфайли, айниқса бола юришни бошлаган даврларида 
тана оғирлиги таъсирида оёқлар О-симон ёки Х-симон шаклда қийшайиб, 
қолиши мумкин. Худди шундай рахитга ўхшаш суяк деформациясини 
болаларда 2 ёшдан кейин кузатилиши, буйрак рахитига хос (фосфат диабет, 
Дебре Де Тони Фанкони касаллиги) бўлиши мумкин. Шулар билан бирга 
рахитда сут тишлари чиқиши кечикиб, тишни чиқиш вақти ва тартиби 
бузилади. 

---

262 
Касалликнинг тузалиш (реконвалесцент) даврида кузатилган рахитдаги 
ўзгаришлар орқага қайтиб секин аста йўқолиб боради ва организмнинг 
меъёрий ҳолати тикланади. Баъзан бемор рахитдан тузалиши, аммо суяклар 
ва мушаклардаги шакл ва функционал ўзгаришлар сақланиб қолиши 
мумкин. Бунга рахитнинг қолдиқ даври дейилади.
Рахит 3 хил оғирликда кечади: 1-енгил хилида вегетатив асаб ва суяк 
тизимида бирозгина ўзгаришлар кузатилади. II-ўртача оғир ва III-оғир
хилида касалликдаги ўзгаришлар ўртача даражада ёки ривожланган бўлади. 
Касалликнинг кечиши ўткир, ярим ўткир, рецидивли бўлади. Кўпинча 
рахитнинг аста-секин ривожланиши кузатилади. 
Ташҳиси.
Клиник кузатув билан бир қаторда биокимёвий
текширишда рахит касаллигида қон зардобида умумий кальций (меъёрда 
2,44 ммоль/л) ва анорганик фосфор (меъёрда 1,3-2,3 ммоль/л) миқдорини 
камайиши, ишқорий фосфотаза фаоллигини 200 Ед/мл дан ошганлиги, 
паратгармон концентрациясини ошганлиги, пешобда кальцийурия ва 
аминокислоталар миқдорининг ошганлигига хосдир. Рентгенограммада 
рахитда эндохондрал суякланиш соҳаларида остеопороз ҳолати, метафиз ва 
эпифиз оралиғидаги тешикнинг катталашуви ҳисобига метафизнинг кенгайиши, 
суякланиш нуқталарининг ноаниқлиги кузатилади.