Билим соҳаси – Социал таъминот ва соғлиқни сақлаш 500000

 
4.1.4 . Тери ва тери ости ёғ тўқимаси ҳолатини баҳолаш усуллари 
 
 
Терини текширишда қуйидаги усуллардан фойдаланилади: сўраш 
(анамнез), кўриш, пайпаслаб ушлаб кўриш (пальпация), қон томирлар 
мўртлигини ва дермографизмни текшириш. 
Анамнез йиғиш орқали теридаги ўзгаришлар қачон пайдо бўлганлиги ва 
нималар билан боғликлиги аниқланади. 
 
Кўриш - бола терисини синчиклаб текшириш учун хона харорати 
меъёрида бўлиши, кундузга ёруғликдан фойдаланиш мақсадга мувофиқ. Эрта 
ёшдаги болаларни бутунлай ечинтириш зарур. Биринчи навбатда терининг 
рангига, сўнгра турли хилдаги тошмаларининг, қон қуйилишнинг, вена 
қон томирларнинг локал кенгайишининг, чандиқларнинг ва бошқа 
ўзгаришларни мавжудлигига аҳамият берилади. Соғлом болаларда терининг 
ранги - майин оч пушти ёки буғдой рангда бўлади.

Терининг оқариши
. Тери рангининг умумий оқарган бўлиши асосан 
камқонликда, ҳамда периферик қон томирларнинг қон билан кам 
таъминланганида, жумладан аорта клапанини етишмаслиги ёки стенозида, 
лейкозда, гипотиреозда, ҳамда юрак қон -томирини бўшашида дифтерияда 

---

213 
(чин бўғмада), зотилжамда, қон йўқотилганда, шок ҳолатида учрайди. Тери 
рангини оқариши ҳар доим ҳам камқонликни кўрсатмайди, балки бу соғлом 
болаларда, айниқса вегетатив қон -томир дистониясида ёки совуқ ҳарорат 
таъсирида периферик қон томирларини сиқилишидан ёки қон- томирларнинг 
ҳаддан ташқари чуқурликда жойлашишидан ҳам (''ёлғондакам" камқонлик) 
кузатилиши мумкин. 
 
 
Расм 21. 
Киндик чурраси, қон-
Расм 22. 
Терининг қизариши
 
томирларининг кўкрак ва қорин 
соҳасида бўртиб чиқиши 
Ҳақиқий камқонликда шиллиқ қаватлар ранги ҳам оқарган бўлади. 
Псевдоанемияда эса шиллиқ қаватлар ўз қизғиш рангида бўлади. Баъзи 
касалликларда терининг оқариши ўзига хос кўринишда бўлади: гемолитик 
анемияда сарғиш, гипопластик, апластик анемияларда мумшам, септик 
эндокардитда сутлик кофе, йирингли септик касалликларда ва токсикозда 
ерсимон кул, хлорозда – кўкимтир рангда бўлади._