Билим соҳаси – Социал таъминот ва соғлиқни сақлаш 500000

 
Оғриқ сезгиси.
Оғриқни сезиш рефлекси ҳомиланинг 3 ойлигидан 
бошлаб бошланади. Чақалоқ болаларда оғриқни сезувчанлик мезони 
катталарга нисбатан юқори бўлади. Одатда оғриққа сезувчанлик игнани 
санчиб кўриш ёки ўткир ёки уни ўтмас томонини теккизиб кўриш орқали 
текширилади. Бунда оғриқ сезгиси сақланган бўлса, кичик ёшдаги болаларда 
умумий безовталик: йиғлаш, қичқириш билан жавоб бериб, катта ёшдаги 
болалар эса кўзи юмуқ ҳолда «ўткир» ёки «ўтмас» деб жавоб беради.
 
Ҳароратни сезувчанлик.
Янги туғилган чақалоқда ҳароратни сезиш 
ривожланган бўлади. Бунда совуққа бўлган сезувчанлик иссиққа бўлган 
сузувчанликка нисбатан анча юқори бўлади. Одатда ҳарорат сезувчанлиги 
бола терисига иссиқ ёки совуқ пробиркани теккизиб текширилади. Бунда 
ҳароратни сезувчанлик сақланган бўлса, кичик ёшдаги болалар безовталик, 
йиғлаш, қичқириш билан жавоб бериб, катта ёшдаги болалар иссиқ ва совуқ 
деб жавоб берадилар. 
Назорат учун саволлар 
1.
Асаб-руҳий ривожланиши қонуниятлари 
2.
Ҳаракат ва асаб руҳиятни ривожланиши 
3.
Болаларда уйқу тартиби 
4.
Боланинг асаб тизимини ва руҳиятни текшириб баҳолаш 
5.
Чақалоқларда шартсиз рефлексларни текшириш 
6.
Беморни умумий аҳволини баҳолаш 
7.
Невроз 
8.
Менингиал синдром 
9.
Энцефалитик синдром 
10.Ликвор таркиби 
11.Патологик рефлекслар 
Таянч сўзлар:
асаб, уйқу, руҳият , невроз, энцефалит, менингит. 

---

203 
4.БОБ. ОРГАНИЗМИНИНГ ЁШИГА ҚАРАБ АНАТОМИК ВА 
ФИЗИОЛОГИК ХУСУСИЯТЛАРИ. ТЕКШИРУВ УСУЛЛАРИ 
4.1 Тери ва тери ости ёғ қавати 
 
Тери танани ташқи томондан ўраб олган мураккаб орган 
ҳисобланиб, организмнинг физиологик ва патологик ҳолатларида муҳим 
вазифани ўтайди. Тери икки асосий қаватдан туради: 1. Тери устки эпидерма 
қавати (бу беш - базал, тиканакли, доначали, ойнасимон ва мугуз қаватлардан 
тузилган). 2. Дерма - хусусий тери қавати - бу сўрғичсимон (рагs рарillaris) ва 
тўрсимон (рагs геtiсylаris) қисмлардан туради. Тери ости ёғ қаватига гиподерма 
дейилади. Терининг морфологик ва физиологик тузилиши туғилгандан то 
балоғатга етгунча такомиллашиб боради.