Берилган пунктлар оралиғида йўл йўналишларини танлаш

Сув ўтказувчи иншоотларни жойлаштириш.
Кичик сув ўтказиш иншоотлари. Кичик сув ўтказиш иншоотларига 25 м гача узунликдаги кўприклар, қувурлар, тарновлар, дюкерлар, акведуклар ва фильтрли кўтармалар киради. Бундай иншоотлар темир йўлни доимий ёки мавсумии амалда очиқ сув оқимлари кесиб ўтган ерга жойлаштирилади.
Сув ўтказувчи иншоотларнинг тури ва ўлчамларини танлаш қуйидаги омилларга боғлиқ: сув йиғилиш ҳавзасидан чиқадиган сув оқими сарфи, тупроқ кўеарма баландлиги, муҳандис-геология шароитлари, иншоотларни қуришда индустриялашган усулларни қўллаш имконияти, лойиҳа йўлидаги иншоотлар тури ва ўлчамлар сонини камайтиришнинг мақсадга мувофиқлиги.
Кўтарма баландлиги 1.25 м дан кичик бўлса, жуда кам сув ўтказиш имконияти, шпаллар оралиғида панжара остига жойлашган тарновлар.
Кўтарма баландлиги 2 м дан кичик бўдса, думалоқ, диаметри 1;1,25 ва 1,5 м темирбетон қувурлар ва диаметри 1,5 м ли бурма металл қувурлар.
Кўтарма баландлиги 2 м дан катта, 3 м дан кичик бўлса, думалоқ, диаметри 2 м гача бўлган ва тирқиши 2,5 м гача тўғри бурчакли темирбетон қувурлар, шу билан бирга 2 м гача, баландлиги 2 м ли бетон қувурлар қўлланилади.
Кўтарма баландлиги 3 м дан катта бўлса, диаметри 3 м ли бурма металл қувурлар, тўғри бурчакли темирбетон ва баландлиги 2 м ли ҳар қандай тирқишли бетон қувурлар қурилади.