Berdaq Qarg‘aboy o‘g‘li

To‘lepbergen Qayipbergenov To‘lepbergen Qayipbergenov (1929-2010-yillar) – O‘zbekiston va Qoraqalpog‘iston xalq yozuvchisi, O‘zbekiston Qahramani. 1929-yil 7-mayda Kegayli tumanining Sho‘rtanboy qishlog‘ida (hozirgi Nukus tumanining sovxozida) kolxozchi-dehqon oilasida dunyoga kelgan. Bo‘lajak yozuvchi yoshligidanoq bilimli, ziyrak va ko‘p mutolaani xohlaydigan zehnli o‘quvchi sifatida ko‘zga tushgan. O‘zi 6-7-sinflarda o‘qib yurib shu maktabning 2-4-sinf o‘quvchilariga dars berardi. 1950-yildan uning ijodiy faoliyati boshlanadi. U dastlab poema yozishga qiziqa boshladi. Keyinchalik esa proza janriga qiziqishi uyg‘onadi. 1951-yil uning “Tilagim” nomli birinchi she’ri Respublikaning “Yosh Leninchi” gazetasida bosilib chiqdi. Yosh shoir ijod olamiga shu tariqa kirib keldi. Shundan boshlab uning she’rlari gazeta-jurnallarda muntazam chop qilinib borildi. 1955-yilda yozuvchining nasrga qo‘l urishga to‘g‘ri keldi. Shu yili uning “Pochtalyon kelganda” degan dastlabki hikoyasi “Yosh Leninchi” gazetasida nashr qilindi. To‘lepbergen Qayipbergenov Qoraqalpoq davlat pedagogika institutining "Rus tili va adabiyoti" fakultetida o‘qib yurgan paytida adabiy hayotga kirib kelgan. U “Amudaryo” jurnalida adabiy xodimlikdan Qoraqalpog‘iston Respublikasi Joqari Kengesi boshlig‘i o‘rinbosari lavozimigacha yo‘lni bosib o‘tdi. 1986-yili “Qoraqalpoq dostoni” trilogiyasi, (“Maman biy” afsonasi, “Baxtsizlar”, “Gumrohlar”) uchun Davlat mukofotiga, “Qoraqalpoqnoma” roman-essesi uchun M.Qashg‘ariy nomidagi Xalqaro (O‘rta Osiyo) mukofotiga sazovor bo‘ldi.