Berdaq nomidagi

2. Kirish yo`l-yo`riqlarini o`tkazish.
Kirish yo`l-yo`riqlari. Ishga yangi kirayotganlar uchun o`tkaziladi. Bu yo`l-yo`riqni berishdan maqsad ishga kirayotgan kishiga mehnatni muhofaza qilish, xavfsizlik texnikasi, sanoat sanitariyasi va ishlab chiqarish gigienasi hamda yog’in xavfsizligi to`g’risida to`laqonli ma`lumot berish, uni korxona hududlari va tsexlaridagi tartib-qoidalardan xabardor qilishdir. Kirish yo`l-yo`riqlari yaxshi jihozlangan va ko`rgazmali qurollar o`rnatilgan mehnatni muhofaza qilish kabinetida o`tkaziladi, ushbu yo`l-yo`riqni ishchi-xizmatchilarga xavfsizlik texnikasi muhandisi, muhandis-texnik xodimlarga esa korxonaning bosh muhandisi tomonidan o`tkaziladi va 1-raqamli daftarga qayd qilinadi.
-Kirish yo`l-yo`riqlari berish vaqtida ishga kirayotgan ishchi-xodimlarga quyidagilar bilan tanishtirilishi shart.
-Korxona haqida umumiy tushunchalar;
-Korxonaning ichki tartib qoidalari;
-Mehnatni muhofazasi qonunlari asoslari;
-Ishlash va ish oralig’ida hordiq chiqarish;
-Korxonada mavjud xavfli hududlar;
-Jihozlar o`rnatilgan hududlardagi xavfli ish o`rinlari, to`siqlar, muhofazalovchi tok o`chirish va saqlovchi qurilmalar to`g’risida;
-Ayollar va yoshlar mehnati haqida tushuncha;
-Davlat, ma`muriy va jamoatchilik nazorati;
-Baxtsiz hodisalar, jarohatlanish va kasb kasalliklari haqida umumiy tushunchalar;
-Ishlab chiqarish signallari va xavfsizlikning texnik asoslari;
-Bosim bilan ishlaydigan qurilmalarni xavfsiz ishlatish;
-Elektr tokining inson organizmiga ta`siri va undan himoyalanish usullari;
-Ishlab chiqarish muhitining mikroiqlim sharoitlari haqida tushuncha;
-Ishlab chiqarish binolarini shamollatish usullari va yoritish turlari;
-YOng’in xavfsizligi asoslari haqida tushuncha.
SHu bilan birga baxtsiz hodisa ro`y berganda fuqaro o`zini qanday tutishi haqida tushunchalar beriladi va alkogolli ichimliklar baxtsiz hodisalarning asosiy sababchi omillaridan biri ekanligi haqida aytib o`tilishi shart hisoblanadi.
-Maxsus kiyimlar, shaxsiy muhofaza vositalaridan, sanitariya-gigiena xonalaridan foydalanish va jabrlanganlarga birinchi yordam ko`rsatish usullari haqida ma`lumotlar beriladi.