Berdaq nomidagi

Zilzila vaqtida qanday harakatlanish kerakǵ Bino tebranishini xis qilgan, qandillarning tebranayotganini, buyumlar ag‘darlilayotganligini ko‘rgan, shisha idishlarning sinish ovozini eshitgan zahotingiz, pastki qavatlarda yashasangiz, vahimaga berilmay (tebranishni sezgan vaqtingizdan to bino uchun xavfli tebranishlar boshlangunicha ixtiyoringizda 15 – 20 soniya mavjud), zudlik bilan hujjatlaringizni, pul va eng zarur buyumlaringizni olib, binodan tashqariga chiqing. Ko‘chaga chiqqandan so‘ng, bino yaqinida turmang, ochiq maydonga o‘ting.
Xotirjamlikni qo‘ldan bermang va boshqalarni ham tinchlantirishga harakat qiling!
YUqori kavatlarda yashasangiz, bino ichida qolishingizga to‘g‘ri kelgan bo‘lsa, u holda xavfsiz joyin: ichki devor oldi, burchak, ichki devor oralig‘i yoki tayanch ustun ostini tanlang. Iloji bo‘lsa, stol ostiga berkining – u sizni pastga tushayotgan buyumlar va bo‘laklardan muhofaza qiladi. Deraza va og‘ir mebellardan uzoqroqda turing. YOningizda bolalaringiz bo‘lsa, ularni o‘z tanangiz bilan berkiting.
SHam, gugurt, yondirgichlardan foydalanmang – gaz chiqib ketgan bo‘lsa yong‘in sababchisiga aylanib qolasiz. Osma ayvonlar, karnizlar, to‘sinlardan uzoqroq turing, uzilgan elektr simlaridan ehtiyot bo‘ling. Avtomobilda bo‘lsangiz ochiq joyda to‘xtatib, silkinish tugamaguncha, eshiklarni ochib qo‘ygan holda, avtomobil ichida qoling. Odamlarni qutqarayotgan vaqtda yordam ko‘rsatishga shay turing.