Berdaq nomidagi

Radiatsiya avariya – bu yadroviy-energetik qurilmalar, uskunalar yoki moslamalardan foydalanish qoidalari buzilishi natijasida aholining nurlanish va atrof muhitning ifloslanishiga olib kelgan radioaktiv mahsulotlar yoki ionlashtiruvchi nurlarning ulardan havfsiz foydalanish bo‘yicha loyihada belgilangan doiralardan chiqishi.
Bunday avariyalarning asosiy zararlovchi omillari radiatsiyaviy ta’sir va radioaktiv ifloslanish hisoblanadi. Avariyalar portlash va yong‘inlar bilan kechishi mumkin.
Insonga radiatsiyaviy ta’sir turli organlar (asab tizimi, oshqozon-ichak yo‘llari)ning hayotiy funksiyalari buzilishi va ionlashgan nurlanishlar ta’siri ostidagi nurlanish kasalliklarining rivojlanishida namoyon bo‘ladi.
Radioaktiv ifloslanish alfa-, beta- va gamma-ionlanishdan kelib chiqadi va avariya paytida qayd etish qiyin bo‘lgan elementlar ajralib chiqishi va yadro reaksiyasi hosilalarining bo‘linishi (radioaktiv qurum, chang, yadro mahsuloti bo‘laklari), shuningdek, turli radioaktiv materiallar va predmetlar (masalan, tuproq) tashkil topishida namoyon bo‘ladi.