Berdaq atíndaǵ

Birlik
Kóplik
I bet kelmesem	I bet kelmesek
II bet kelmeseń, kelmeseńiz	II bet kelmeseńler, kelmeseńizler
III bet kelmese	III bet kelmese

Maqset meyili. İslewshiniń is-háreketiniń isleniw maqsetin, niyetin bildiredi. Maqset meyili túbir hám dórendi feyillerge –maqshı//-mekshi (-baqshı//-bekshi, -paqshı//-pekshi) qospa affiksiniń jalǵanıwı arqalı jasaladı: barmaqshı, kelmekshi, aytpaqshı hám t.b. Bul meyil betlik affiksleri menen túrlenedi.

Birlik	Kóplik
I bet barmaqshıman	I bet barmaqshımız
II bet barmaqshısań, barmaqshısız	II bet barmaqshısańlar, barmaqshısızlar
III bet barmaqshı	III bet barmaqshı

Bolımsız forması

Birlik	Kóplik
I bet ketpekshi emespen	I bet ketpekshi emespiz
II bet ketpekshi emesseń,	II bet ketpekshi emessiz,
III bet ketpekshi emes	III bet ketpekshi emes

Anıqlıq meyil. Anıqlıq meyildiń is-háreketi belgili bir waqıt penen baylanıslı bolǵan real mánidegi anıq xabardı ańlatadı. Anıqlıq meyildiń ózine tán arnawlı grammatikalıq forması joq. Onıń mánisi betlenip kelgen ótken, házirgi, keler máhál formaları arqalı anıqlanadı. Mısalı: Men qalaǵa kettim. Mashina menen baratırman. Muzeyge oqıwshılar baradı.