Бемордан гемокультурага қон олиш қоидалари мақсад: Қонда бактерияларни аниқлаш. Кўрсатма

Бюрне тери аллергик синамаси қўйиш қоидалари.
Мақсад: организмни бруциллинга сезгирлигини аниқлаш.
Кўрсатма: Бруцеллезнинг сурункали ва резидуал шаклларини ташхислашда қўлланилади.
Керакли анжомлар: Стерилланган резина қўлқоп, бир марта ишлатиладиган шприцлар (1-2 мл), спирт (70^о), стерилланган пахта, ниқоб, бруцеллин сақлаган ампула.
Бажариладиган босқичлар (қадамлар):

• 
  Стерилланган резина қўлқоп кийилади ва ниқоб тақилади, бемор ён томонга қараган ҳолда ўтиради.
  
• 
  Билак юзаси спирт (70^о) шимдирилган стерилланган пахта билан артилади.
  
• 
  Терининг эпидермис қаватига ингичка игна билан 0,1 мл миқдордаги бруцеллёз антигени юборилади.
  
• 
  Игна олинган жойга спирт (70^о) шимдирилган пахта қўйилади.
  
• 
  2 сутка мобайнида билакка сув ва механик таъсир тегмаслигини уқтиради.
  
• 
  Бруциллин юборилганидан 8–10 соат кейин терининг ўша бруциллин юборилган жойида яллиғланиш аломатлари (шиш, қизариш, оғриқ) пайдо бўлишини баҳолайди.
  
• 
  24 соатдан сўнг яллиғланиш аломатларини (шиш, қизариш, оғриқ) кўпайиб боришини баҳолайди.
  

Ўлатга қарши кийим кийиш тартиби
Мақсад: Ўта хавфли инфекциялари қайд қилинганда ўзини ҳимоя қилиш.
Кўрсатма: Ўлат, вабо, геморагик иситмалар, чин-чечак, куйдирги ва бошқалар.
Керакли анжомлар: I-типли ўлатга қарши кийим мажмуаси

• 
  Кийим кийишдан олдин табобат ходими тақинчоқларини ечади ва ўзини ҳимоя қилиши учун шахсий аптечкадаги дори-дармонлардан фойдаланади.
  
• 
  Табобат ходими кийими устидан олдин комбинзон ёки пижамани кияди.
  
• 
  Сўнгра пайпоқ ёки чулки ва размеридан каттароқ резина этик кияди.
  
• 
  Пешона қисми умуман кўринмайдиган қилиб рўмол ўралиб, чап томонида бантик қилиб боғланади.
  
• 
  Ўлатга қарши халат, рўмол боғлангандан сўнг шундай кийиладики, халат узвий тегиб туриши керак.
  
• 
  Кейин ходим марли-пахтали маскани шундай тақиб боғлайдики, юқори боғлагичлари энса суяги устида, пастки боғлагичлари юқоридан боғланади.
  
• 
  Сўнгра кўзойнак тақилади ва очиқ жойлар қолса пахтали тампон билан бекитилади.
  
• 
  Бутунлигига ишонч ҳосил қилинган резина қўлқоп кийилади. Сўнгра 3% ли хлорамин эритмаси билан намланган сочиқ халат бойламига тиқиб қўйилади.
  
• 
  Резинали фартук тақади ва енгча кияди.
  
• 
  Ушбу кийим билан табобат ходими 2 соат ишлаши мумкин.