Belgilari. Temirbetonli tom yopma plitalari

Doirasimon qurilish materiali - ikkala chekkasi tekis arralangan, butog‘laridan tozalangan yog‘ochdir. Ular standart 4,0; 4,5; 5,0; 5,5; 6,0 va 6,5 m uzunliklarga ega va bu turdagi yog‘och materiallari kesik konus shaklida bo‘ladi. Ular diametrining uzunligi bo‘yicha kamayishi kichrayish deb ataladi. Kichrayish o‘rtacha 1 m da 0,8 sm ni tashkil qiladi(6-rasm). Doirasimon ko‘ndalang kesimli yog‘ochning diametri kichik diametri bo‘yicha aniqlanadi. Uning o‘rtacha diametri 14 sm dan 26 sm gacha oraliqlarda bo‘ladi va ayrim hollarda undan katta ham bo‘lishi mumkin. Diametrlarni o‘zgarish gradatsiyasi 2 sm ni tashkil qiladi. Uning o‘rtacha diametrini quyidagi ifoda orqali aniqlash mumkin:
d_o‘r  d  0,5l (1.1)
Diametri 13 sm dan kichik bo‘lgan yog‘ochlar vaqtinchalik inshootlar qurilishida ishlatiladi.
Qirrali yog‘och materiallari - arralangan yog‘och materiallari yog‘ochni tilish ramalarida yoki aylanma tilish stanoklarida yog‘ochni bo‘ylamasi bo‘ylab arralash natijasida hosil qilinadi. Ular standart 0,25 m gradatsiya bilan 1 m dan 6,5 m gacha bo‘lgan o‘lchamlarda bo‘ladi. YUk ko‘taruvchi konstruksiyalar uchun yog‘och taxtaning kengligi 60 mm dan 250 mm gacha, qalinligi 11 mm dan 100 mm gacha bo‘ladi.
Bruscha -qalinligi 50mm dan 100 mm gacha, kengligi 100 mm dan 175 mm gacha bo‘ladi.
Brus - qalinligi va kengligi 125 mm dan 250 mm gacha bo‘ladi.
YOg‘ochning tuzilishi, butoqlari va sifati uning kelib chiqishi bilan aniqlanadi. Daraxt sifatida kelib chiqishi va o‘sishi natijasida yog‘och trubasimon qatlam -tolali tuzilishga ega bo‘ladi.
YOg‘och qurilish materialining sifati, asosan yog‘ochning bir jinslilik darajasi bilan aniqlanadi. Bir jinsli bo‘lmagan tuzilishi yog‘ochni o‘sishi jarayonida, yog‘och materiallarini omborda saqlash jarayonida, quritish, qayta ishlash va ishlatish jarayonida vujudga keladi.
YOg‘ochning sifatini buzadigan, bir jinsliligini o‘zgartiradigan omil - bu butog‘lardir. Butog‘lar yon shoxlari natijasida vujudga keladi. Konstruksiyaviy yog‘och materiallarining sifati, toifalari bilan belgilanadi. YOg‘och materiali uchta toifalarga bo‘linadi (5-rasm):