Bekiston respublikasi turizm va madaniy meros vazirligi madaniy meros agentligi buxoro viloyati madaniy meros boshqarmasi

Boshqarma boshlig‘i v.b Sh.Mahmudov
Sizning 2021 yil 19 oktyabrdagi 1256-sonli xatingizga asosan Milliy arxeologiya markazining (07.10.2021 y. №317-sonli) xati Buxoro viloyati madaniy meros boshqarmasi mutaxassislari tomonidan o‘rganib chiqildi.
Buxoro viloyati hokimligi huzuridagi Yagona byurtmachi xizmati injiniring kompaniyasi (buyurtmachi) hamda O‘zbekiston Respublikasi Fanlar akademiyasi Ya.G‘ulomov nomidagi Arxeologik tadqiqotlar instituti (ijrochi) o‘rtasida 2018 yil 20 avgustda 10-sonli Xo‘jalik shartnomasi tuzilgan bo‘lib, shartnoma muddati 2021 yil 31 dekabrgacha etib belgilangan.
Arxeologik qazishma ishlar olib borilayotgan sobiq Shaxriston qismida Buxoro tarixiga oid, turli davrlarga mansub, qadimgi bino-inshoat qoldiqlari hamda osoru atiqalar aniqlanmoqda.
Bugungi kunda, 2018 yil 20 avgustda tuzilgan 10-sonli shartnoma muddati tugaganligi hamda Milliy arxeologiya markazi mutaxassislari tomonidan sobiq Shahriston bozori hududida arxeologik qazishma ishlari to‘liq yakuniga etmaganligini inobatga olib, Buxoro viloyati hokimligi huzuridagi Yagona byurtmachi xizmati injiniring kompaniyasi hamda Milliy arxeologiya markazi o‘rtasida yangidan xo‘jalik shartnomasi tuzilib, arxeologik tadqiqot ishlarini yakuniga etkazish maqsadga muvofiqligini bildiramiz.
Boshqarma boshlig‘i v.b Sh.Mahmudov


Ijrochi: E.Sobirov
Tel: [phone]


Shahar va tumanlar hokimliklariga


Buxoro viloyati hokimining 2021 yil 10 sentyabr kunida “Viloyatdagi memoriy yodgorliklardan o‘rin olgan epigrafik bitiklar haqida zarur ma’lumotlarni to‘plash va suratga olish ishlarini tashkillashtirish buyicha” Ishchi guruhi tarkibi tuzilgan.
Ishchi guruhi tomonidan hududlardagi memoriy yodgorliklardan o‘rin olgan epigrafik bitiklar hakida zarur ma’lumotlarini to‘plash va suratga olish ishlari amalga oshirish belgilangan.
Yuqoridagilarni inobatga olib, Sizdan hududingizdi joylashgan epigrafik bitiklar mavjud bo‘lgan me’moriy obidalarning ro‘yxati va ular to‘g‘risida ma’lumotlarni Viloyat madaniy meros boshqarmasiga taqdim etilishida amaliy yordam berishingizni so‘raymiz.