Bayonlar totlam I

Tayanch  so'zlar:  avtobus,  hosilini,  koyidi,  sakrab-sakrab,  ularning 
ketidan  kelayotgan  dehqon  yigit:
-   Hoy  bola,  bu  yoqqa  chiq!  Donni  nobud  qilasan-ku!,  -  dedi.
-   Siznikimas-ku!, -  dedi  Jasur.
(O'quvchilar ko'chirma  gapni yozuv taxtasidan  ko'chirib yozadilar.)
119

---

O l a p a r
Yozgi  ta’til  kunlaridan  birida  shunday  hodisaning  guvohi  bo'ldik,  deb 
o‘z  hikoyasini  boshladi  Farrux.
Tush  payti  edi.  Qo'ylar va  Olapar devor soyasida  dam  olardi.  Bolalar 
loydan  har xil o'yinchoqlar yasab o'ynashardi.  Sobir birdan:  «Qochinglar, 
ilon», deb qichqirib yubordi.  Ariq  bo'yidagi o'tlar orasidan  katta olachipor 
ilon  sudralib  chiqib,  bolalar  tomon  kelardi.  Bolalar  qiy-chuv  ko'tarib 
qocha  boshladilar.
Shu  payt  Olapar  o'rnidan  turdi.  U  bolalar  bilan  ilon  o'rtasida  paydo 
bo'ldi.  Yo'li  to'silgan  ilon  qomatini  yarim  metrcha  tik  qilib,  itga  hujum 
qildi.  O'rtada  olishuv  boshlandi.  Ilon  birdan  itning  yuqori  jag'ini  chaqib, 
zaharladi.
Jalil  ota  yetib  kelganda  ilon  butoqlar  orasiga  kirib,  g'oyib  bo'lgandi. 
Bolalarni  xavfdan  qutqargan  Olapar  halok  bo'lgandi.
Ertasi  kuni  bolalardan  biri  qayerdandir  chiroyli  bir  kuchukcha  olib 
keldi.  Unga  «Olapar»  deb  nom  qo'yildi.  Kuchukchani  boqib,  cho'pon 
otalariga  hadya  qilishdi.  (125  so'z,  6 5-75   so'z  atrofida  bo'lishi  ham 
mumkin.)