Baxtiyorov asrorning biznes huquqi fanidan

Nazorat qiluvchi organlar mansabdor shaxslarining huquqlari va majburiyatlari

Nazorat qiluvchi organlarning mansabdor shaxslari tadbirkorlik sub’ektlari faoliyatini tekshirish chog‘ida o‘z vakolatlari doirasida quyidagi huquqlarga ega:

• 
  tekshirilayotgan tadbirkorlik sub’ektlaridan tekshirish o‘tkazish bilan bevosita bog‘liq bo‘lgan zarur hujjatlar va boshqa axborotlarni talab qilish;
  
• 
  tekshirilayotgan tadbirkorlik sub’ektlariga aniqlangan qoidabuzarliklarni bartaraf etish to‘g‘risida bajarilishi majburiy bo‘lgan ko‘rsatmalar berish;
  
• 
  tegishli davlat hokimiyati va boshqaruv organlari, tadbirkorlik sub’ektlari mulkdorlari oldiga aybdor shaxslarning javobgarligi to‘g‘risidagi masalani qo‘yish;
  
• 
  tekshiruvga auditorlik tashkilotlarini va (yoki) ekspertlarni belgilangan tartibda shartnoma asosida jalb etish;
  
• 
  qonun hujjatlarida nazarda tutilgan hollarda moliyaviy yoki ma’muriy jazo choralarini qo‘llash;
  
• 
  rejali tekshirishlarni o‘tkazish muddatini ko‘chirish to‘g‘risida, basharti bunga ob’ektiv asoslar bo‘lsa, maxsus vakolatli organga taqdimnoma kiritish.
  

Nazorat qiluvchi organlar mansabdor shaxslarining qonuniy talablari tekshirilayotgan tadbirkorlik sub’ektlari tomonidan bajarish uchun majburiydir.

Nazorat qiluvchi organlarning mansabdor shaxslari tadbirkorlik sub’ektlari faoliyatini tekshirish chog‘ida o‘z vakolatlari doirasida quyidagilarni bajarishga majburdirlar:

• 
  tekshirilayotgan tadbirkorlik sub’ektlariga tekshirish o‘tkazish huquqini beruvchi zarur hujjatlarni ko‘rsatish;
  
• 
  tadbirkorlik sub’ektlari ishlashiga xalal bermaslik;
  
• 
  tekshirishlarni qayd etish daftariga qonun hujjatlarida belgilangan tartibda yozib qo‘yish;
  
• 
  davlat siri, tijorat yoki boshqa sirlar saqlanishini ta’minlash;
  
• 
  tekshirish natijalarini dalolatnoma (ma’lumotnoma) bilan rasmiylashtirib, uning bir nusxasini tekshirish tugagan kuni tekshirilayotgan tadbirkorlik sub’ektida qoldirish;
  
• 
  huquqbuzarlik hollari aniqlangan taqdirda qonun hujjatlarida nazarda tutilgan choralarni ko‘rish.