Baxt asli ne erur? Anglolmam aslo, Balki bu ne'matdir- baridan a'lo

Baxt nedir

Baxt asli ne erur? Anglolmam aslo,

Balki bu ne'matdir— baridan a'lo.

Yo õzlikni anglash, komil bõlmoqlik,

Yoki yor vasliga bõlmoq mubtalo...

Baxt asli ne erur— anglolmam aslo.

Har tongda uyg'ondik sog'-u salomat,

Balki shudir asl Baxt degan ne'mat?!

Tirik ekanlikning õzi, avvalo,

Bizga berilajak ulkan karomat.

Baxt asli ne erur— anglolmam aslo.

Otam bor— Davlatim, Onam— Jannatim!

Ular ila oshar qadr-u qimmatim.

Padarim-Volidam tirikdir, illo

Sõnmagay oftobim, chin saodatim!

Baxt asli shumikan— anglolmam aslo..

Baxtim nishonasi- tug'ilgan diyor—

Har gõshasi sõlim, kõrkam chamanzor,

Yaqin yõlay olmas ofat-u balo,

Har qadamda pirlar ruhi madadkor!

Baxt asli shumikan— anglolmam aslo..

Xulosam tõrt sõz-la aylayin tayyor:

Bardamlik- sog'likda bir saodat bor,

Ahil oilada bõlar baraka,

Xalovat topganga shodliklar bisyor,

Tinch yurtning xalqi ham bõlur Baxtiyor!

Muxlisa Mardonova

Buxoro Davlat Universiteti talabasi