Barqaror rivojlanish

Ekologik barqarorlikni ta’minlash maqsadida 2030 yilgacha bo‘lgan davrda O‘zbekiston Respublikasining atrof-muhitni muhofaza qilish konsepsiyasi qabul qilindi. Unda O‘zbekistonning atrof-muhitni muhofaza etish sohasidagi siyosatining ustuvor yo‘nalishlari, ya’ni vazifalari aniq belgilab berildi.
O‘zbekiston Respublikasi Vazirlar Mahkamasining 2018-yil 20-oktyabrda qabul qilingan 841-sonli «2030-yilgacha bo‘lgan davrda barqaror rivojlanish sohasidagi milliy maqsad va vazifalarni amalga oshirish chora-tadbirlari to‘g‘risida»gi qarori :

• 
  barcha joylarda aholining kam ta’minlanganlik darajasini pasaytirish;
  
• 
  oziq-ovqat xavfsizligini mustaxkamlash, ovqatlanish ratsionini yaxshilash hamda qishloq xo’jaligining barqaror rivojIanishiga ko’maklashish;
  
• 
  sog’lom turmush tarzini ta’minlash va barcha yoshdagi kishilarning farovonligiga ko’maklashish;
  
• 
  arzon, ishonchli, barqaror va zamonaviy energiya manbalaridan barcha uchun umumfoydalanish imkonini ta’minlash;
  
• 
  samarali bandlikni oshirish hamda erkaklar va xotin-qizlarni munosib ish bilan ta’minlash asosida barqaror va umumqamrovli iqtisodiy o’sishga ko’maklashish;
  
• 
  mamlakat ichida tengsizlikni uning barcha ko’rinishlarida qisqartirish kabilar shular jumlasidandir.
  

Jumladan, amalga oshiriladigan tadbirlar natijasida 2030 yilgacha O‘zbekistonda o‘ta qashshoqlikni tugatish, kam ta’minlangan aholi sonini hozirgiga nisbatan ikki baravarga kamaytirish rejalashtirilgan.Shuningdek, umumqamrovli va sifatli ta’limni ta’minlash hamda barchaga butun umri davomida ta’lim olish imkoniyatini rag‘batlantirish maqsadi bo‘yicha 2030 yilgacha o‘qituvchilarni tayyorlash, qayta tayyorlash va malakasini oshirish sohasida xalqaro hamkorlik qilish orqali o‘qituvchilar sonini jiddiy ravishda ko‘paytirish mo‘ljallangan.
So‘nggi uch yilda 157 ta umumta’lim maktabi yangidan qurildi. Millatimizning buyuk namoyandalari bo‘lgan Mirzo Ulug‘bek va Muhammad Xorazmiy nomida iqtidorli bolalar maktablari tashkil etilib, ular qoldirgan boy ilmiy merosni o‘rganish hamda bu sohani taraqqiy ettirish bilan shug‘ullanadigan yoshlarning yangi avlodini tarbiyalashdek sharafli jarayon boshlandi. Hamid Olimjon va Zulfiya, Erkin Vohidov, Abdulla Oripov, Ibroyim Yusupov, Is’hoqxonto‘ra Ibrat, Muhammad Yusuf, Halima Xudoyberdieva nomi bilan atalgan ijod maktablari, “Temurbeklar maktabi”, Prezident maktablarining bunyod etilishi esa yosh avlod vakillari uchun yangi imkoniyatlarni ochib berdi.
O‘zbekiston Respublikasi Prezidenti Shavkat Mirziyoyev BMT Bosh Assambleyasining joriy 75-sessiyasidagi nutqida mintaqaviy va global miqyosda tinchlik va barqarorlikni mustahkamlash, barqaror taraqqiyotni taʼminlash, inson huquqlariga rioya etishni qo‘llab-quvvatlash, konstruktiv muloqotni kengaytirish, shuningdek, iqlim o‘zgarishi, oziq-ovqat xavfsizligi muammosi, qashshoqlikka barham berish va kambag‘allikni qisqartirish kabi dolzarb masalalar yuzasidan bir qator tashabbuslarni ilgari surdi.
Prezident tashabbuslaridan biri global miqyosdagi muammolarni hal etishga qaratilgan muhim xalqaro huquqiy hujjatga oid bo‘lib, “Barqaror rivojlanish maqsadlariga erishish va inson huquqlarini taʼminlashda parlamentlarning rolini oshirish to‘g‘risida Birlashgan Millatlar Tashkiloti Bosh Assambleyasining maxsus rezolyutsiyasi”ni qabul qilishni nazarda tutadi.


XULOSA:
O‘zbekistonda BMT tomonidan tasdiqlangan Barqaror rivojlanish sohasidagi 17 maqsadlarni bajarish uchun 169 ta vazifa va 206 ta milliy indikator belgilangan. Ular O‘zbekiston Respublikasining taraqqiyot strategiyalari va dasturlarining 84 foizini qamrab olgan va ijtimoiy-iqtisodiy loyihalar hamda qonunlarni shakllantirishda asosiy mezon bo‘lib kelmoqda.
O‘zbekistonda XMT ko‘magida 2030 yilgacha mehnat bozori uchun muhim strategik hujjat bo‘lgan