Barcha dasturlash tillari kabi Python dasturlash tili ham rivojlanib, zamonga va talabga qarab ishlab chiqaruvchilar tomonidan o’zgarishlar kiritib borilmoqda

Satr kattaliklari bilan ishlash
Satr belgilar ketma – ketligidir. Python dasturlash tilida satr kattaliklar bittalik qo’shtirnoq (apostraf), yoki ikkitalik qo’shtirnoq orasida yoziladi. Masalan, 'Talaba' yoki "Talaba". Ulardan satr ichida keluvchi qo’shtirnoq sifatida foydalanish mumkin. Masalan, 'Men "Axborot texnologiyalari" fakulteti talabasiman'.
Python dasturlash tilida satr bu unicode kodlash tizimidagi baytlar massividir. Satr – bu belgilar kema-ketligidir. Ushbu tilda belgi tipi mavjud emas bo’lib, satrdagi har bir belgiga kvadrat qavslar yordamida murojaat qilish mumkin bo’ladi. Satrdagi belgilar ketma-ketligining birinchi elementi 0 dan boshlanadi. Masalan,
a = "Andijon!"; print(a[1]) . Natija n .
Satrdagi qism satrga murojaat qilish yoki qirqib olish a[n:m] ko’rinishda bo’ladi. Bunda satrdagi m element olinmaydi. Masalan, a = "Andijon!"; print(a[2:6]) . Natija dijo
strip() metodi
Ushbu metod satrning boshidagi yoki oxiridagi bo’sh joy (probel)larni o’chiradi.
x = " Xush kelibsiz "
print(x.strip())
Natija:
Xush kelibsiz

len() metodi

len() metodi berilgan satr uzunligini qaytaradi, beradi.

x = " Xush kelibsiz!"
print(len(x))
Natija: 14
lower() metodi
lower() metodi satrdagi barcha belgilarni quyi registrga aylantiradi, ya’ni barcha bosh harflarda yozilgan matnni kichik harflarga aylantiradi.
x = "XUSh KELIBSIZ!"
print(x.lower())
Natija: xush kelibsiz!
upper() metodi
upper() metodi satrdagi barcha belgilarni yuqori registrga aylantiradi, ya’ni barcha kichik harflarda yozilgan matnning har bir belgisini katta harflarga aylantiradi.
x = "Xush kelibsiz!"
print(x.lower())
Natija: XUSh KELIBSIZ!
replace(x, y) metodi
replace(x, y) metodi satrining x satr qismini y satr qismiga almashtiradi.
x = "Xush kelibsiz!"
print(x.replace("bsiz", "nglar"))
Natija: Xush kelinglar!