Bank xizmatlari

Bank xizmatlari

O’zbekistonda faoliyat olib borayotgan banklar

O’zbekiston Respublikasi Markaziy banki
Davlat ulushiga ega tijorat banklari
Xususiy yoki chet el kapitali ishtirokidagi banklar

Banklar va ularning mijozlari o’rtasidagi munosabatlar

• Banklar va mijozlar o’rtasidagi munosabatlar O’zbekiston Respublikasining “Banklar va bank faoliyati to’g’risida”gi Qonunning 31-moddasiga ko’ra, banklar va ularning mijozlari o’rtasidagi munosabatlar shartnomalar asosida amalga oshiriladi. Shuningdek, banklar mijozlar bilan tuzilgan shartnoma shartlarini, jumladan bank operatsiyalari bo’yicha foiz stavkalari va vositachilik haqi miqdorini mustaqil belgilash huquqiga egadir.

Bank xizmatlaridan foydalanishda nimalarga e’tibor berish lozim?

• Bankning biron-bir xizmat turidan foydalanishdan avval, ushbu xizmat turi haqidagi ma’lumotlarni o’rganish, yuzaga kelishi mumkin bo’lgan masalalarni aniqlash hamda o’z majburiyatlaringizni (shu jumladan moliyaviy) anglab yetish talab etiladi. Agar bank xizmatlari shartnoma asosida amalga oshirilgan bo’lsa, ushbu shartnomani imzolashdan avval uning barcha shartlari va qoidalarini diqqat bilan o’rganib chiqish zarur. Zero, shartnomani imzolash orqali siz barcha shartlarga rozi ekanligingizni tasdiqlaysiz va shartlarni to’liq bajarish majburiyatini o’z zimmangizga olasiz. Shartlar bajarilmagan taqdirda, bank sudga da’vo arizasi bilan murojaat etish huquqiga ega.

Kredit xizmatlari

Ipoteka krediti
Iste’mol krediti
Mikrokredit

Kredit xizmatlari

• Fuqaro tijorat bankidan ko‘chmas mulk xarid qilish uchun ipoteka kreditini, yoki shaxsiy ehtiyojlarini qondirish uchun iste’mol kreditini olish huquqiga ega. Bankdan kredit olish qarz oluvchiga ushbu kreditning asosiy qarzini hamda ushbu kreditdan foydalangan davr uchun hisoblangan foizlarni kredit shartnomasida belgilangan muddatda qaytarish majburiyatini yuklaydi. Bunda bank tomonidan kreditdan foydalanganlik uchun qarz oluvchidan qo‘shimcha to‘lovlarni undirilishiga yo‘l qo‘yilmaydi.