Bank omonati shartnomasi

_{BANK OMONATI SHARTNOMASI}

132.056.2022

01253/12-son

Navoiy viloyat Qiziltepa tuman shahri

Nizom asosida faoliyat yurituvchi Ipoteka bank Navoiy filiali (keyingi oʻrinlarda “Bank” deb yuritiladi) nomidan ish yurituvchi Sayfiyev Nodirbek O`ktam o`g`li bir tomondan va fuqaro Toshtemirov Azizbek Zuxriddin o`g`li(keyingi oʻrinlarda “omonatchi” deb yuritiladi) ikkinchi tomondan quyidagilar toʻgʻrisida mazkur shartnomani tuzdilar:


I. SHARTNOMA PREDMETI

1.1. Mazkur shartnomaga koʻra, bank omonatchidan AQSH pul birligida 10200 miqdoridagi pulni qabul qilib olish, saqlab, uni 13.06.2025 kuni qaytarish va unga foizlar toʻlash majburiyatini hamda mazkur muddat davomida ushbu pul mablagʻlaridan foydalanish huquqini oladi.

1.2. Pul mablagʻlarini omonatga jalb qilish huquqi Bankka 02.02.2000 kuni berilgan 022130005225/102-2-sonli litsenziyaga muvofiq amalga oshiriladi.


II. OMONATGA TOʻLANADIGAN FOIZLAR MIQDORI, ULARNI HISOBLASH
VA TOʻLASH TARTIBI

2.1. Bank omonatchiga omonat summasi uchun yillik 16 foiz miqdorida foiz hisoblab, har oy uchun foiz pullarini keyingi oyning Oyning bank tomonidan foizlar to‘lab beriladigan sanasi sanasidan kechiktirmasdan toʻlaydi.

2.2. Shartnoma amalda boʻlgan muddat ichida Bank omonatdan foydalanish uchun toʻlanadigan foiz miqdorini omonatchining roziligisiz, bir tomonlama kamaytirishga haqli emas.
2.3. Omonat summasiga foizlar omonat pullari bankka topshirilgan kunning ertasidan boshlab, to u Omonatchiga qaytarilgan yoki boshqa asoslarga koʻra Omonatchining hisobvaragʻidan oʻchirilgan kundan oldingi kungacha hisoblanadi.
2.4. Omonatchining hisobvaragʻi xatlanganligi oqibatida Bank ushbu hisobvaraqdagi pul mablagʻlaridan foydalana olmagan davr uchun foizlar hisoblanmaydi va toʻlab berilmaydi.
2.5. Omonatni saqlash muddati tugagunga qadar Omonatchining talabi bilan omonat summasi shartnomada belgilangan muddatdan avval unga qaytarilgan hollarda omonat yuzasidan foizlar toʻlanmaydi va toʻlangan foizlar esa omonat summasidan chegirib qolinadi.
2.6. Omonat summasiga foizlar har bir oy oʻtganidan keyin Omonatchining talabi bilan omonat summasidan alohida toʻlanadi, bu muddatda talab qilib olinmagan foizlar esa foizlar yoziladigan omonat summasiga qoʻshilib boradi. Omonat qaytarilganida shu paytgacha yozilgan hamma foizlar toʻlanadi.