Банк маркетинг стратегиясининг назарий асослари

 
Стратегиянинг мумкин бўлган вариантлари: 
1 – вариант.
Ривожланиш стратегияси, у агрессив рақобат кураши 
асосида бозорнинг тегишли сегментида банкнинг тезкор ривожланишини 
назарда тутади. 
Афзалликлари: 
- банкнинг бозор позицияси ва молиявий натижаларнинг тезкор 
яхшилаш имкониятининг мажудлиги; 
- барча йўналишлари бўйича бошқарув маданияти ошириб бориш. 
Камчиликлари: 
- банк хавфли бўлган ва қимматга тушадиган бошқарув ва 
хавфсизликни таъминлаш стратегияларини амалга ошириш зарурати; 

---

- катта миқдордаги дастлабки молиявий харажатларнинг амалга 
оширилиши зарурати. 
Амалга ошириш юзасидан таклифлар:
ташқи ёрдамсиз бозорга 
чиқаётган аксарият банклар ва алоҳида бозор имкониятларининг пайдо 
бўлиши шароитида мақсадга мувофиқ. 
Изоҳ: стратегик бошқарув методологиясига биноан ушбу вариант 
доимий равишда ёки узоқ муддат давомида қўлланилиши мумкин эмас. 
2 – вариант.
Қисқартириш стратегияси, у пассив рақобат сиёсати 
амалга оширилиши жараёнида бозорнинг банк томонидан хизмат 
кўрсатилаётган сегментини камайтирилишини назарда тутади.
Афзалликлари: 
- стратегиянинг энг кам харажатли ва рискли варианти; 
- бозор конъюктурасининг узоқ муддатли ёмонлашуви пайтида 
тезкорлик билан («чиқиш» тўсиқлари пайдо бўлгунга қадар) ундан воз кечиш 
мумкинлиги. 
Камчиликлари: 
- ўз ташаббуси билан эмас, балки рақобатчилар таъсири остида хизмат 
кўрсатилаётган бозордан чиқиб кетиш банкнинг дастлабки стратегиясининг 
самарасиз эканлигидан далолат беради.
- жозибадорлигини йўқотиб бораётган бозордан чиқиб кетишда 
кечикиш «чиқиш» тўсиқларига дуч келиниши эҳтимолини кучайтиради. 
Амалга ошириш юзасидан таклифлар
: вариант қуйидагилар учун 
мақсадга мувофиқ: 
- рақобатчилар таъсири остида бозорнинг хизмат кўрсатилаётган 
сегментини қисқартиришга мажбур бўлаётган банклар учун;
- илгариги жозибадорлигини йўқотган бозордан олиб чиқилган 
активларни йўқотишларсиз ўзга сегментларга жойлаштириш имконияти 
бўлган банклар учун; 

---

- бозордаги узоқ вақт давомидаги фаолияти натижасида барқарор 
мижозлар базасини яратган ва амалга оширилаётган миссия доирасида уни 
кенгайтириш истагида бўлмаган банклар учун. 
Изоҳ: сўнгги ҳолатда банк томонидан хизмат кўрсатилаётган 
сегменти бозорнинг табиий ривожланиши ҳисобига доимий қисқариб боради 
(банкнинг молиявий натижалар даражаси сақланиб қолсада). 
3 – вариант.
Чегараланган ривожланиш стратегияси, у хужумкор 
рақобат сиёсатининг амалга оширилиши асосида тегишли бозорда банкнинг 
босқичма – босқич ва қатъий ҳисоб – китоб қилинган тарзда ривожланишини 
назарда тутади. Вариант стратегик компромисс бўлиб, кўриб чиқилган 
стратегияларнинг камчиликларини камайтиради, лекин афзалликларидан 
тўлиғинча фойдаланиш имкониятини бермайди.