Bank hisobi tahlil va audit

Pul hisob-kitob hujjatlarini rasmiylashtirish

26. Banklarda barcha operatsiyalar O‘zbekiston Respublikasi Markaziy banki tomonidan belgilangan shakldagi pul hisob-kitob hujjatlarining qog‘oz hamda elektron shakllari asosida amalga oshiriladi va buxgalteriya hisobida qayd etiladi.

(26-band O‘zbekiston Respublikasi Markaziy banki Boshqaruvining 2014-yil 30-dekabrdagi 47/9-sonli qarori (ro‘yxat raqami 1834-4, 9.02.2015-y.) tahririda — O‘R QHT, 2015-y., 6-son, 68-modda)
Oldingi tahrirga qarang.
27. Pul hisob-kitob hujjatlari, shuningdek Bank hisobvarag‘i shartnomasida ko‘zda tutilgan boshqa hujjatlar bank tomonidan faqat mijozning bankka taqdim qilgan imzolar namunalari va muhr izi qo‘yilgan varaqchada ko‘rsatilgan shaxslar yoki mijozning vakil qilingan shaxsidan ishonchnoma asosida qabul qilinadi.
(27-band O‘zbekiston Respublikasi Markaziy banki Boshqaruvining 2016-yil 26-maydagi 15/2-sonli (ro‘yxat raqami 1834-6, 13.06.2016-y.) qarori tahririda— O‘R QHT, 2016-y., 24-son, 293-modda)
28. Pul hisob-kitob hujjatlarining majburiy rekvizitlari quyidagilardir:
mijozning (muassasaning) nomi (jismoniy shaxslar uchun — familiyasi, ismi va sharifi) va soliq to‘lovchining identifikatsion raqami (STIR);
pul oluvchi va pul to‘lovchi mijozlar hisobvaraq raqamlari;
ularga xizmat ko‘rsatuvchi bank nomi va kodi;
hujjatning nomi va raqami, u tuzilgan sana va joy;
Oldingi tahrirga qarang.
operatsiyaning nomi, maqsadi va summasi (raqam va so‘z bilan yoziladigan summa satrning boshidan katta harf bilan boshlanishi hamda tiyin raqam bilan yozilishi lozim);
(28-bandning oltinchi xatboshisi O‘zbekiston Respublikasi Markaziy banki Boshqaruvining 2019-yil 13-iyuldagi 15/10-sonli qarori (ro‘yxat raqami 1834-8, 12.08.2019-y.) tahririda — Qonun hujjatlari ma’lumotlari milliy bazasi, 13.08.2019-y., 10/19/1834-8/3552-son)
Oldingi tahrirga qarang.
operatsiya bajargan shaxslarning (shaxsning) lavozimi, familiyasi hamda ismi va otasi ismining bosh harflari hamda imzosi;
(28-band O‘zbekiston Respublikasi Markaziy banki Boshqaruvining 2019-yil 13-iyuldagi 15/10-sonli qaroriga (ro‘yxat raqami 1834-8, 12.08.2019-y.) asosan yettinchi xatboshi bilan to‘ldirilgan — Qonun hujjatlari ma’lumotlari milliy bazasi, 13.08.2019-y., 10/19/1834-8/3552-son)
mijoz muhri (muhr mavjud bo‘lsa) va mas’ul shaxslarining imzolari.
29. Hujjatlarda operatsiya maqsadi aniq bayon etilishi lozim. Pul hisob-kitob hujjatlarida bo‘yash, chizish va tuzatishga yo‘l qo‘yilmaydi.
Oldingi tahrirga qarang.
30. Bank operatsiyalari qonun hujjatlarida belgilangan shaklda rasmiylashtirilgan elektron hujjatlar asosida amalga oshirilishi mumkin (Bank hisobvaraqlariga masofadan xizmat ko‘rsatish tizimi yoki plastik kartochkalar orqali amalga oshiriladigan hisob-kitoblar). Elektron hujjatlar pul hisob-kitob hujjatlarning asl nusxasida belgilangan barcha rekvizitlarga ega bo‘lishi shart.
(30-bandning birinchi xatboshisi O‘zbekiston Respublikasi Markaziy banki Boshqaruvining 2012-yil 9-iyundagi 17/7-sonli qarori (ro‘yxat raqami 1834-1, 09.07.2012-y.) tahririda — O‘R QHT, 2012-y., 28-son, 325-modda)
Elektron hujjatlar mas’ul shaxslar imzolari o‘rnini bosuvchi — elektron raqamli imzo bilan tasdiqlangan bo‘lishi lozim⁸.
Elektron hujjatlarni qabul qilish va qayta ishlash jarayonida ularning biror ko‘rsatkichlarini o‘zgartirishga yo‘l qo‘yilmaydi.
Oldingi tahrirga qarang.
(31-band O‘zbekiston Respublikasi Markaziy banki Boshqaruvining 2014-yil 30-dekabrdagi 47/9-sonli qaroriga (ro‘yxat raqami 1834-4, 9.02.2015-y.) asosan o‘z kuchini yo‘qotgan — O‘R QHT, 2015-y., 6-son, 68-modda)
Oldingi tahrirga qarang.
(32-band O‘zbekiston Respublikasi Markaziy banki Boshqaruvining 2014-yil 30-dekabrdagi 47/9-sonli qaroriga (ro‘yxat raqami 1834-4, 9.02.2015-y.) asosan o‘z kuchini yo‘qotgan — O‘R QHT, 2015-y., 6-son, 68-modda)