Банк фаолияти статистикаси фани

Тижорат банклари мажбуриятлари таркиби (млрд.сўмда)

	1.09.2021 йил		1.09.2022 йил
Депозитлар	131 324	38,7%	205 724	45,1%
Марказий банкнинг вакиллик ҳисобварағи	434	0,1%	1 944	0,4%
Бошқа банкларнинг маблағлари-резидент	11 355	3,3%	16 723	3,7%
Бошқа банкларнинг маблағлари-норезидент	3 330	1,0%	30 979	6,8%
Олинган кредитлар ва лизинг операциялари	169 561	50,0%	172 096	37,8%
Чиқарилган қимматли қоғозлар	10 445	3,08%	10 692	2,3%
Субординар қарзлар	4 206	1,2%	5 318	1,2%
Тўланиши лозим бўлган ҳисобланган фоизлар	3 820	1,1%	4 838	1,1%
Бошқа мажбуриятлар	4 834	1,4%	7 372	1,6%
Жами мажбуриятлар	339 307	100%	455 685	100%

Хусусий капитал

• Молиявий ҳолат тўғрисидаги ҳисоботнинг капиталга доир қисмида банк капиталидаги акционерларнинг улуши кўрсатилади. Ҳар қандай янги банк ўз фаолиятини таъсисчилар томонидан қўйилган маблағдан бошлайди (2022 йилнинг 1 сентябри ҳолатига фаолиятини бошловчи тижорат банклари учун минимал 100 млрд.сўмга тенг бўлган сумма).
• Ҳисоботда муомилада бўлган оддий акцияларнинг номинал қиймат бўйича умумлашган суммаси акс эттирилади, гарчи сотиш нархи номиналга нисбатан юқори бўлса, ўртадаги фарқ қўшилган капитал моддасида кўрсатилади.
• Шунингдек, банклар муомилага оддий акцияларга тўланадиган дивидендларга нисбатан кўп дивиденд тўланадиган имтиёзли акцияларни чиқаришади. Банк ишида имтиёзли акциялар «қимматга тушадиган» иш деб ҳисобланади (биринчи навбатда улар бўйича дивидентлар солиққа тортилмайди) ва оддий акциялар эгалари томонидан даромаднинг бир қисмининг олинмаслигига олиб келади.
• Баланснинг ушбу бўлимида тақсимланмаган фойда қисми муҳим аҳамиятга эга. У ўз таркибига акционерларга дивидентлар тўлагандан кейин қолган ва йилдан-йилга йиғилиб бориладиган умумий соф фойда суммасини олади. Баланснинг ушбу қисмида кўзда тутилмаган зарарларни коплаш учун резервлар суммаси кўрсатилиши мумкин.

Хусусий капиталнинг балансда жойлашуви

• 1. Оддий акциялар ва имтиёзли акциялар тўланган қиймат бўйича, яъни уларни чиқаришда юзага келадиган қўшилган капитал ҳисобга олинган ҳолда кўрсатилади.
• 2. Сотиб олинган ўз акциялари тўланган капиталнинг умумий суммасидан сотиб олиш қийматининг чегирилиши тарзида кўрсатилади.
• 3. 330 «Жами: Акционерлик капитали» сатрида 300 ва 310 сатрлар йиғиндисидан 320 сатрнинг чегирилиши натижаси акс эттирилади.
• 4. Асосий воситалар ва номоддий активларни қайта баҳолаш учун заҳиралар, сотиш учун мавжуд бўлган инвестицияларни қайта баҳолашдан юзага келган заҳиралар, хорижий шуъба хўжалик жамиятлари молиявий ҳисоботини қайта ҳисоблашда юзага келадиган курслардаги фарқ 340 «Қайта баҳолаш бўйича заҳиралар» сатрида кўрсатилиши керак.
• 5. 350 «Тақсимланмаган фойда (йиғилган дефицит)» сатри умумий заҳира ҳисобга олинган ҳолда кўрсатилиши керак.
• 6. 330 - 350 сатрлар умумий йиғиндиси 360 «Жами: Хусусий капитал» сатрида кўрсатилади.
• 7. 280 ва 360 сатрларнинг умумий йиғиндиси 370 «Жами: Мажбуриятлар ва хусусий капитал» сатрида кўрсатилиши керак.

Тижорат банкдарининг жами капитали (млрд.сўмда)

	1.09.2021 йил		1.09.2022 йил
Устав капитали	47 327	73,4%	57 663	75,4%
Қўшимча капитал	497	0,8%	998	1,3%
Захира капитали	6 232	9,7%	7 226	9,5%
Тақсимланмаган фойда	10 457	16,2%	10 556	13,8%
Жами капитал	64 512	100%	76 444	100%