Baktria press

•
биринчидан, 
аксарият ривожланган давлатларда номзодларни давлат хизматига танлаш мустақил 
органлар томонидан назорат қилинади. Бу органларнинг ҳуқуқий мақоми “Давлат хизмати 
тўғрисида”ги Қонун билан мустаҳкамланиб, уларга ротацияни ўтказиш билан боғлиқ 
жараёнларни тартибга солиш ваколати берилади. Мазкур тажрибани Ўзбекистонда ҳам 
қўллаш имкониятларини илмий жиҳатдан ўрганиш ва тегишли хулосалар чиқариш тавсия 
этилади;
•
иккинчидан,
 ротацияни ўтказиш бевосита давлат хизматчиларининг хизмат одоби қоидалари билан 
боғлиқлигини ҳисобга олиб, одоб-ахлоқ масалаларини ҳуқуқий ҳужжатларда мустаҳкамлаш, 
бу борадаги ўқитишни ташкил қилиш, шунингдек, давлат хизматчилари томонидан хизмат 
одоби қоидаларини бажарилиши устидан назоратни таъминлаш мақсадида, “Этика кодекси” ва 
“Давлат хизматчилари этикаси тўғрисида”ги қонун лойиҳаларини ишлаб чиқиш заруриятини 
кўриб чиқиш керак; 
•
учинчидан, 
ривожланган хорижий давлатларнинг замонавий кадрлар сиёсатида давлат хизматига 
қабул қилиш ва ротацияни қўллашда энг катта эътибор ходимларни танлаш услубига 
қаратилмоқда. Бунда давлат хизматини ташкил этишдаги мавжуд барча ижобий 
ёндашувлардан максимал фойдаланишга, катта иш тажрибасига эга бўлган профессионал 
кадрларни сақлаш ва такомиллаштириш ҳисобидан унинг барқарорлигини таъминлашга 
интилмоқдалар. Раҳбар ходимларни ўқитиш жараёнида асосий урғу назарий билимларгагина 
эмас, балки катта ташкилотларни бошқариш кўникмаларини эгаллашга, амалий муаммоларни 
аниқ таҳлил қилишга ва уларни ҳал этиш стратегиясини ишлаб чиқиш масалаларига 
берилмоқда. Бу соҳа-даги хориж тажрибасини Ўзбекистонда ҳам қўллаш имкониятларини 
илмий жиҳатдан таҳлил қилиш ва тегишли хулосалар чиқариш тавсия этилади;