Bаkiyеvа I. А., Kadrlar xizmatida ish yuritish. O‘quv qo‘llаnmа. – Т.: Iqtisodiyot, 2019. – 229 b

 
10.2. Mehnat staji to’g’risidagi ma’lumotnomalarini berish uchun 
asoslar 
 
Mehnat staji va oylik maoshni tasdiqlash to’g’risidagi ma’lumotnomalarini 
bajarish uchun quyidagi hujjatlar asos bo’lib xizmat qiladi: 
a) qarorlar; 
b) buyruqlar; 
v) shaxsiy tarkib bo’yicha farmoyishlar; 
g) kadrlar hisobi bo’yicha ro’yhatga olish kitoblari; 
d) mehnat shartnomalari; 
e) shaxsiy varaqalar;
j) oylik ish haqi yozish kitoblari. 
Yuqorida qayd etilgan hujjatlar arxiv saqloviga topshirilmagan holda mehnat 
faoliyatini tasdiqlovchi boshqa turdagi hujjatlar asosida tegishli ma’lumotnoma 
rasmiylashtiriladi. 
 
10.3. Ish haqi to’g’risidagi ma’lumotnomalarni berish uchun asoslar 
Ish haqi to’g’risidagi ma’lumotnomalarni tuzishda quyidagi hujjatlar asos 
qilib olinadi: 
a) oylik ish haqi yozish kitoblari 
b) oylik ish haqi yozish kitoblari yo’q bo’lgan taqdirda - to’lov vedomostlari.
Ish haqini tasdiqlash haqidagi ma’lumotnomalarni berishda ma’lumotnoma 
uchun asos bo’layotgan oylik ish haqi yozish kitobining “Jami to’langan” yoki 
“Vsego nachisleno” grafasidagi miqdor so’z va raqam bilan ko’rsatiladi. 
Arxiv ma’lumotnomasida oylik ish haqi miqdorining yillik yakuniy hisobini 
chiqarilishiga yo’l qo’yilmaydi. 

---

186 
Oylik maosh kitobida oylik haqining talqini (rasshifrovkasi) berilgan bo’lsa, 
ularni ko’rsatib o’tish maqsadga muvofiqdir.
Maxsus kodlar bilan berilgan maosh kitoblarda “jami to’langan” degan 
grafadagi maosh raqam va so’z bilan o’zi ko’rsatiladi. Maxsus kodlar yordamida 
berilgan, ammo “jami” ko’rsatilmagan oylik maosh kitoblari mavjud bo’lgan 
taqdirda arxiv hujjatidan ko’chirma yoki ushbu maosh kitobidagi tegishli 
varaqalarning kseronusxalari taqdim etiladi.