Bakalavrlari uchun o‘qiladigan birinchi maxsus kursdir

Statsionar usulda
suv obyektlari-daryolar, ko‘llar, muzliklarning 
gidrologik rejimi elementlari ko‘p yillar davomida, kunning ma‘lum belgilangan 
soatlarida muntazam ravishda kuzatib boriladi.
Ma'lumki, gidrologik rejim tabiiy-geografik omillar, birinchi navbatda 
iqlim ta'sirida hosil bo‘ladi va suv sathi, suv sarfi, suv harorati, muzlash 
hodisalari, erigan moddalar hamda loyqa oqiziqlar oqimi va boshqa 
elementlarning kunlik, mavsumiy, ko‘p yillik o‘zgarishlarida namoyon bo‘ladi. 
Statsionar usuldagi kuzatish ishlari fan va amaliyot ehtiyojlarini hisobga 
olib, mutaxassislar tomonidan maxsus tuzilgan yagona dastur va qo‘llanmalarga 
qat'iy amal qilgan holda bajariladi. Mamlakatimiz daryolari, ko‘llari, suv 
omborlari va muzliklarida bu ishlar asosan O‘zbekiston Respublikasi Vazirlar 
Mahkamasi huzuridagi Gidrometeorologiya xizmati markazi (O‘zgidromet) ga 
qarashli 180 ga yaqin gidrologik stansiyalar va kuzatish joylari (postlar) da 
amalga oshiriladi. Ayrim hollarda bu usuldagi tadqiqotlar tegishli muassasalar, 
masalan, Qishloq va suv xo‘jaligi vazirligiga qarashli kuzatuv joylarida ham 
o‘tkaziladi.