Bakalavr bitiruv ishi mavzu: «unix va Windows operatsion tizimlarining parolli himoyasini buzish va ularni qayta tiklash usullari»

ASOSIY QISM.

UNIX VA WINDOWS OPERATSION TIZIMLARIDA PAROLLI HIMOYANI BUZISH VA QAYTA TIKLASH.

2.1. Operatsion tizimlarni parolli himoyasining tahlili.

Kompyuter tarmoqlarining xavfsizligi hozirgi kunda juda ham dolzarb masala hisoblanadi. Amaliyot shuni ko'rsatadiki, tarmoqqa qanchalik katta va undan qimmatli ma'lumot unga bog'liq bo'lgan kompyuterlarga ishonib topshirilgan bo'lsa, moddiy manfaat uchun yoki odatda qiziqqonlik oqibatida tarmoqning faoliyatini buzish istagi ko'proq bo'ladi. U yerda muntazam virtual urush mavjud bo'lib, bu urush davomida tizim administratorlari hamda kompyuter hakerlari bir-biriga qarshi hisoblanadi va ushbu holat virtual urush deb ataladi.

Kompyuter tarmog'ida zararli hujumlardan himoyalanishning asosiy yechimi barcha zamonaviy operatsion tizimlarida mavjud bo'lgan parollarni himoya qilish tizimidir. O'rnatilgan qoidaga muvofiq, sessiya boshlanishidan oldin operatsion tizim bilan foydalanuvchi unga ism va parol berib, ro'yxatdan o'tish kerak. Ism operatsion tizim tomonidan foydalanuvchini identifikatsiya qilish uchun talab qilinadi va parol identifikatorning to'g'riligini tasdiqlaydi. Foydalanuvchi tomonidan muloqot rejimida kiritilgan ma'lumotlar operatsion tizimida mavjud bo'lgan ma'lumotlar bilan taqqoslanadi. Jarayon ijobiy natija beradigan bo'lsa, foydalanuvchi o'z nomi bilan bog'liq operatsion tizimning barcha resurslariga ega bo'ladi.