Бажариш учун топшириқ вариантлари Корхона ва ишлаб чиқариладиган маҳсулот тўғрисида маълумотлар

1.2 Хом ашё материалларининг хусусиятлари

Таркибида икки молекула суви бўлган кальций сульфатли чўкинди тоғ-жинси гипсни (CаSО₄∙2Н₂О), сувсиз гипс деб аталувчи ангидрид тошни (CаSО₄) ва айрим саноат чиқиндиларини пишириб гипсли боғловчилар олинади. Стандартда кўрсатилишича, биринчи нав гипс ишлаб чиқариш учун таркибида CаSО₄∙2Н₂О нинг миқдори 73%, иккинчи нав учун эса 65% дан кам бўлмаган табиий гипс-тош керак.

Табиий гипс-тош оқ рангли, қаттиқлиги 2 (Моос шкаласи бўйича) зичлиги 1300 кг/м³ бўлган жинсдир. Гипс-тош захираларининг энг каттаси Ўзбекистонда Бухоро вилоятида мавжуд (Когон гипс кони).
Гипсли жинслар одатда маълум миқдорда гил, қум, оҳактош, битумсимон моддалар ва бошқалардан ташкил топган.
Когон конидан олинган гипс тошининг кимёвий таркиби 1-жадвалда кўрсатилган.
1-жадвал
Когон кони табиий гипс тошининг кимёвий таркиби

Моддалар миқдори, %
CaO	SO4	SiO2	Al2O3	Fe2O3	MgО	H2O хим. боғланган	CaSO4·2H2O
30.84-32.69	38-44.79	0.84-5.78	0.21-1.48	0.16-0.45	0.47-2.39	17.2-17.8	70

ГОСТ 4013-82 бўйича гипс боғловчилар ишлаб чиқариш учун 1 - синф хом ашёси таркибида CaSO₄·2H₂O миқдори камида 95%, 2-синф хом ашёсида камида 90%, 3-ва 4-синфларда эса 80 - 70% дан кам бўлмаслиги керак.
Когон конининг гипс тоши жинслари таркибида 1-10% гача аралашмалар мавжуд. Ушбу коннинг гипс тоши таркибидаги CaSO₄·2H₂O миқдорига кўра биринчи синфга киради.
Таркибидаги аралашмаларни тури ва миқдорига қараб гипс тошининг ўртача зичлиги 2,2-2,4 г/см³ га тенг. Гипс чақақ тошининг уйма зичлиги 1200-1400 кг / м3, намлиги 3-5% оралиқда ўзгарувчан. Гипс тошининг намлиги турли партияларида ўзгариб туради ва унинг физик хусусиятларига, нисбий намлигига, йил фаслига ва сақлаш шароитларига боғлиқ
Лойиҳаланаётган заводда қурилиш гипсини ишлаб чиқариш учун Когон конидан етказиб берилган 200 мм ўлчамда гипс тошидан хом ашё сифатида фойдаланилади.