Bajardi: G. Mannapova zamonaviy menejer mening talqinimda

Bajardi: G.Mannapova

ZAMONAVIY MENEJER MENING TALQINIMDA

Menejer – tashkilotning azosi bo’lib, boshqaruv faoliyatini amalga oshiradigan va boshqaruv vazifalarini hal etishga masul bo’lgan xodim.

Menejerlar deb, boshqaruv san’ati va mahoratiga ega bo’lgan malakali va yollanib ishlaydigan mutaxassislarga aytiladi.

Boshqaruv funksiyalarini bajarishda va jamoat ishlab chiqarishda zamonaviy menejer quyidagilar sifatida maydonga chiqadi:

rahbar - boshqaruvchi;

rahbar - diplomat;

rahbar - murabbiy, tarbiyachi;

rahbar - inson;

rahbar - innovator

Menejerning sifat xislatlari

Sabrlilik - bunday menejer muvaffaqiyatga birdaniga erishishi mumkin emasligini yaxshi tushinadi. Unga faqat bardosh va sabr-toqatli bo’lib, sabot-matonat bilan qiyinchiliklarni yengish orqali erishish mumkinligini biladi.

Samimiy xushmuomalalilik – bunday menejer sofdil, ochiq ko’ngil bo’ladi, chin yurakdan gapiradi. Qo’l ostidagilarga sadoqat bilan ixlos qo’yib xizmat qiladi. Ular samimiylikning og’ir va juda nozik masala, u aql va chuqur ma’naviy odobni talab etishini, shuningdek, kimki o’zgalar bilan nosamimiy munosabatda bo’lishga odatlangan ekan, u pirovard natijada o’zi-o’ziga ham samimiy bo’lolmay qolishni yahshi tushunishadi.

Xushxulqlilik - bunday menejer inson go’zalligining asosi uning chiroyli xulqida ekanligini, aynan xushxulqlik insonni ulug’likka olib borishni, yoqimli xulq egasidan barcha katta-kichik xursand bo’lishini, bunday xulq egasi boshqalarni xursand qilishdan tashqari, ham o’zi doimo xursand yurishini, boshqalardan esa o’ziga muhabbat va muloyimlik qaytishini yaxshi tushunadi.

Qanoatlilik – bunday menejer qanoatsizlikdan keladigan ofatlarni, ya’ni nafs balosi, hasad, xudbinlik, baxillik, tamagirlik kabilarni yaxshi anglaydi. Ular nafs balosi odamni har kuyga solishini, nafsini tiygan hurmat- izzat topishini va bexavotir yashashni, qanoatning esa, izzatning asosi, o’lmaydigan boqiy xazina, qurimaydigan daraxt, zavol topmaydigan mulk ekanligini yaxshi tushunishadi.