Bajardi: Axrolov A. Qabul qildi: Haydarov A. Amaliy mashg’ulot yuzasidan savollar

2. Ruxsatnoma olish uchun zarur hujjatlar.

Ruxsatnoma olish uchun ommaviy tadbir tashkilotchisi ommaviy tadbirni o`tkazish mo`ljallangan sanadan oldin o`ttiz ish kunidan kechiktirmay quyidagi hujjatlarni komissiyaga taqdim еtadi:

a) ushbu Qoidalarning 2-ilovasidagi shakl bo`yicha ruxsatnoma berish to`g`risidagi ariza;

b) ommaviy tadbirni o`tkazish ob’ektining ma’muriyati bilan kelishuvga ko`ra ommaviy tadbir tashkilotchisi tomonidan tasdiqlangan ommaviy tadbirning dasturi;

v) ommaviy tadbirning tashkilotchisi - jismoniy shaxs uchun - pasport (shaxsni tasdiqlovchi boshqa hujjat)ning nusxasi.,

Komissiya ommaviy tadbirlar o`tkazishga ruxsat berish uchun boshqa vakolatli organlarda mavjud bo`lgan zarur hujjatlar va axborotlarni belgilangan tartibda o`zaro axborot hamkorligi yo`li bilan, shu jumladan еlektron tarzda mustaqil ravishda oladi, ushbu Qoidalarning 21-bandida nazarda tutilgan hujjatlar va axborotlar bundan mustasno.

Ommaviy tadbir tashkilotchisidan ushbu Qoidalarning 21-bandida nazarda tutilmagan hujjatlarni talab qilishga yo`l qo`yilmaydi.

Ruxsatnoma olish uchun zarur bo`lgan hujjatlar ommaviy tadbir tashkilotchisi tomonidan pochta aloqasi vositalari orqali yoki еlektron shaklda olinganligi to`g`risidagi bildirishnoma bilan bevosita komissiyaga taqdim еtiladi. Elektron shaklda taqdim еtilgan hujjatlar ommaviy tadbir tashkilotchisining еlektron raqamli imzosi bilan tasdiqlanadi.

Ruxsatnomani olish uchun komissiyaga taqdim еtilgan hujjatlar ro`yxat bo`yicha qabul qilinadi, ro`yxat hujjatlar komissiya tomonidan qabul qilingan sanani belgilagan holda darhol ommaviy tadbir tashkilotchisiga beriladi (yuboriladi).