Bag’rikenglik tamoyili-xxi asr yoshlari nigohida Qalandarova Sevara Xorijiy filologiya yo’nalishi 1-kurs talabasi

Bag’rikenglik tamoyili-XXI asr
yoshlari nigohida
Qalandarova Sevara
Xorijiy filologiya yo’nalishi
1-kurs talabasi
“Yurtimizda hukm surayotgan do’stlik va birdamlik muhiti – tinchlik va barqarorlik, amalga oshirilayotgan islohotlar samaradorligini oshirish O’zbekistonning xalqaro maydonidagi obro – e’tiborini yanada yuksaltirishning eng muhim omilidir.”
Shavkat Mirziyoyev.

O’zbek xalqining eng ajoyib fazilatlaridan biri bo’lmish bag’rikenglik azal-azaldan xalqimizning qon-qoniga singib ketgan. Bugungi kunda butun dunyo bo’ylab 1600 dan ortiq millat va elat vakillari yashaydigan bo’lsa, shulardan 130 dan ortiq xalq vakillari O’zbekistonda istiqomat qilmoqda.

Mustaqillik yillarida Muhtaram Birinchi Prezidentimiz Islom Karimovning boshqa millat vakillariga nisbatan ko’rsatgan ehtiromi ularning erkin yashashi uchun yaratilgan shart-sharoitlar o’zbek xalqining bag’rikengligiga yaqqol misol bo’la oladi. Shuningdek, O’zbekiston Respublikasi Konstitutsiyasida quyidagicha belgilangan: “O’zbekiston Respublikasi o’z hududida istiqomat qiluvchi barcha millat va elatlarning tillari, urf-odatlari hurmat qilinishini ta’minlaydi, ularning rivojlanishi uchun sharoit yaratiladi”.
1995 yil 16-noyabrda YuNESKO Bosh Konferensiyasining 28-sessiyasida Bag’rikenglik ta’moyillari to’g’risidagi dekloratsiya qabul qilindi. Shu kundan boshlab 16-noyabr sanasi insonlar orasida bag’rikenglikni mustahkamlash, tinchlik va osoyishtalikni saqlash maqsadida Xalqaro bag’rikenglik kuni sifatida keng nishonlanib kelinmoqda.
Muhtaram Prezidentimiz Shavkat Mirziyoyev o’zining “Milliy taraqqiyot yo’limizni qat’iyat bilan davom ettirib, yangi bosqichga ko’taramiz” nomli kitobida shunday degan: “Bugun mamlakatimizda 130 dan ortiq millat va elat vakillari bir oila farzandlaridek ahil va inoq yashamoqda. Ular umumiy uyimiz – O’zbekistonimiz ravnaqi yo’lida birlashib barcha soha va tarmoqlarda fidokorona mehnat qilmoqda, rivojlangan bozor iqtisodiyoti va kuchli fuqarolik jamiyatiga asoslangan huquqiy demokratik davlat qurishga munosib hissa qo’shmoqda”.
Prezidentimiz ta’kidlaganlaridek ko’pmillatli xalqimizning yuksalishida nafaqat O’zbeksiton fuqarolari, balki shu yerni o’ziga makon qilib, shu yurtda tinch-totuvlikda yashayotgan boshqa millat vakillari ham o’zlarining munosib hissalarini qo’shib kelishmoqda. Idora-tashkilotlar, ta’lim muassasalarida bir qancha yutuqlarga erishib, yurtimizning gullab–yashnashi uchun hizmat qilishmoqda.