Badiiy so’z qudrati

ABDULLAJON MARSIYASI

Qushlar, qushlar qator-qator,

Qushlar, uyga qaytingiz.

Abdullajon qaytmas zinhor,

Yor-do'stlarga aytingiz.

O'ynar bo'ron, o'ynar bo'ron,

O'ynar mening boshimda.

Endi yo'qdir Abdullajon

Yigirma besh yoshida.

Yo'llar uzun, yo'llar uzun,

Kunlar ham ko'p cho'zildi.

Qonli yoshlar to'kdi ko'zim,

Jigar-bag'rim ezildi.

Poyezd chopar, poyezd chopar,

Poyezd chopar Sibirdan.

Abdullajon jonsiz yotar,

Qarorgohi temirdan.

Bo'zlar osmon, bo'zlar osmon

Bo'zlab bersa bo'z to'rg'ay.

Ko'zlarini Abdullajon

Bir dam ochsa na bo'lg'ay.

Nafas olmay ul uxlaydi,

Ko'kragida o'ng qo'li.

Yer yig'laydi, el yig'laydi,

Yig'lar o'zi ham o'lim.